(NI KIKO CUETO)

PATAY ang dalawa sa tatlong marino na Pinoy na naunang naiulat na nawawala, kasunod ng pagbagsak ng isang tulay sa Taiwan.

Ayon sa report ng Manila Economic and Cultural Office (MECO), patuloy na pinaghahanap ang isa pang Pinoy.

Sinabi ni MECO director for administration Gerry De Belen, bukod sa Pinoy, hinahanap din ang isang Indonesian fisherman.

Patuloy ang rescue operation kung saan gumagamit ng mga cranes at excavators ang rescuers.

Sampu ang nasugatan sa pagbagsak ng tulay, kabilang ang ibang Pinoy.

Nakuha ang labi ng mga Pinoy sa natabunang bahagi ng gumuhong tulay.

Patuloy na inaalam ng mga imbestigador kung bakit biglang bumagsak ang tulay na isa pinakaluma na tulay sa lugar.

Itinayo ito noong 1998 at tinaway na ‘Lovers Bridge’.