BAGSAK sa selda ang isang IT technician makaraang arestuhin ng mga awtoridad sa bisa ng warrant of arrest dahil sa kasong panggagahasa, sa BF Homes, Parañaque City noong Lunes ng gabi.

Kinilala ang suspek na si Joel Doroja, 41, binata, ng Meycauayan, Bulacan.

Base sa ulat ni Police Lieutenant Colonel Roberto Mupas, commander ng Manila Police Station-Barbosa Police Station 14, bandang alas-8:00 ng gabi nang arestuhin ang suspek sa BF Homes, Parañaque City, sa pangunguna ni Police Captain Laureano Larry Daligdig, hepe ng Warrant Section, sa bisa ng warrant of arrest na inisyu ni Presiding Judge James Ty, ng Regional Trial Court Branch 4 ng Manila,

dahil sa kasong statutory rape.

Samantala, isang 28-anyos na encoder na may kasong qualified rape, ang inaresto sa kanyang bahay sa Asuncion Street, Binondo, Manila noong Lunes ng hapon.

Kinilala ang suspek na si Ermer Torres, binata, ng nasabing lugar

Batay sa ulat ni Police Major Edward Samonte, hepe ng District Investigation Division II ng Special Mayor’s Reaction Team (SMaRT) ng Manila Police District, bandang alas-12:30 ng hapon nang arestuhin ang suspek sa kanyang bahay.

Inaresto ang suspek sa pangunguna nina Police Major Dave Garcia, Police Major Val Valencia, Police Captain Edgar Julian, Police Captain Kevin Ray Bautista, sa bisa ng warrant of arrest na inisyu ni Presiding Judge Marissa Pajulas-Estabaya, ng Regional Trial Court, Fourth Judicial Region Branch 11 ng Bacoor City, Cavite. (RENE CRISOSTOMO)