(BERNARD TAGUINOD) AGAD pinakilos ng isang mambabatas sa Kamara ang Commission on Audit (COA) para busisiin ang P15 billion ng Philippine Health Insurance Corporation (PhilHealth) na pinaniniwalaang maanomalya matapos ang anunsyo na 92% sa nasabing pondo ay liquidated na. Ginawa ni House Deputy Minority leader at Bayan Muna Rep. Carlos Isagani Zarate ang kautusan sa COA matapos sabihin ni PhilHealth President Dante Gierran na 92% sa nasabing pondo ay na-liquidate na. “There was already a finding by Congress that the Interim Reimbursement Mechanism (IRM) is anomalous. This so-called liquidation will…

BINATIKOS ni Senador Imee Marcos ang Department of Agriculture (DA) at Department of Trade and Industry (DTI) na inuuna ang importasyon ng bilihin sa halip na palakasin ang transportasyon at pagde-deliver ng mga lokal na produktong pang-agrikultura. Sinabi ni Marcos, chairman ng Senate Committee on Economic Affairs, ang “knee-jerk reaction” o pagkataranta ng DA at DTI na gamitin ang importasyon bilang solusyon sa pagtaas ng presyo ng mga bilihin ay isusubo lamang ang mga maggugulay, magbababoy, at magmamanok sa mga mapagsamantalang trader at cartel. Ayon sa Senate Resolution 619 na…

NANAWAGAN ang progresibong organisasyon ng mga manggagawa sa pamunuan ng Kamara de Representantes na umento sa suweldo ang atupagin at huwag nang ituloy ang “Charter change”. Idiniin ni Renato Magtubo, tagapangulo ng Partido Manggagawa (PM) sa pamunuan ng Kamara, sa pangunguna ng pangkat ni Speaker Lord Allan Jay Velasco na umentong P100 sa sahod ng mga manggagawa sa lahat ng rehiyon ang bigyan ng prayoridad kaysa sa Cha-Cha. Ani Magtubo, ang P537 kada araw na siyang pinakamataas na sahod ng mga manggagawang naghahanapbuhay sa Metro Manila ay P434 na lang…

UPANG makumbinsi ang sambayanang Pilipino na magpabakuna, kailangan ang tulong ng mga lehitimong media, kasama ang mga advertiser at maging ang mga social media influencers o bloggers/vloggers. Ito ang dahilan kaya umapela si Ako Bicol party-list Rep. Aflredo Garbin sa mga nabanggit na grupo na maglaan ng oras, espasyo para tulungan ang gobyerno sa information campaign ukol sa kahalagahan ng COVID-19 vaccines. “We appeal to the Philippine Association of National Advertisers, the Advertising Board of the Philippines, the Kapisanan ng mga Brodkaster sa Pilipinas, and all the holders of current…

PORMAL nang bumitaw ang Social Welfare Employees Association of the Philippines (SWEAP-NATIONAL) bilang affiliated group ng Confederation for Unity, Recognition and Advancement of Government Employees (COURAGE). Ang askyon ng nasabing labor union ay kasunod ng pagkakabilang ng COURAGE sa mga umano’y communist terrorist group (CTG) front organization. Sa ilalim ng SWEAP-National Council Resolution No. 001 series of 2021 na inilabas ng SWEAP National, binanggit nito na 13 sa 17 council members/chapter presidents ay bumoto para tapusin ang relasyon, habang tatlo ang pabor na ituloy at isa ang abstain. Tinukoy ni…

KAPWA kinumpirma nina Executive Secretary Salvador Medialdea at Presidential spokesperson Harry Roque ang pagkakatalaga ni Pangulong Rodrigo Roa Duterte kay dating Court of Appeals Justice Joseph Ilagan- Lopez bilang bagong Associate Justice ng Korte Suprema. Sinabi ni Sec. Roque na pinirmahan ng pangulo ang appointment paper ni Justice Lopez nitong Enero 25. Inaasahan aniya ng pangulo na paiiralin ni Justice Lopez ang judicial independence at rule of law at ipagpapatuloy ang reporma sa court processses ng bansa. Si Justice Lopez aniya ay isang produkto ng UP College of Law, dating…

PATULOY ang pagtaas ng bilang ng mga nagsasarang branches ng iba’t ibang klase ng kilalang fast food chains sa bansa sa kabila ng unti-unting pagbangon ng ekonomiya. Ayon kay Trade and Industry Sec. Ramon Lopez, maituturing na hindi pa rin sapat ang unti–unting pagbangon ng ekonomiya dahil mahina pa rin ang benta ng maraming tindahan. Ito aniya ang dahilan kaya kanyang inirekomenda ang pagpapahintulot na sa mga 10 taong gulang na makalabas ng tahanan kasama ang kanilang pamilya. Malaking bahagi raw kasi sa sale ng mga kainan ay galing sa…

HAYAGANG kinastigo ni Pangulong Rodrigo Roa Duterte ang mga indibiduwal na kapit sa patalim o gumagamit ng pangalan ng mga politiko para lamang makasungkit ng proyekto sa pamahalaan kapalit ng malaking halaga. Aniya, noong panahon ng eleksyon ay may nakalulusot na ganitong gawain ng mga tiwaling opisyal at empleyado ng gobyerno subalit ngayon aniya ay malabo na itong mangyari. Kapag may ganitong umiikot na transaksyon ngayon at nadisgrasya pa ang perang ginamit na panuhol ay isa lamang ang maipapayo niya sa mga ito at ito ay agad na saksakin ang…