Kinastigo ng solons PDU30 WALANG COVID-19 EXIT PLAN

0

KINASTIGO ng mga mambabatas sa mababang kapulungan ng Kongreso si Pangulong Rodrigo Duterte dahil hindi ito naglatag ng plano kung papaano makakawala ang bansa sa pandemya sa COVID-19.

Sa magkakahiwalay na pahayag, pawang dismayado ang ilang kongresista dahil bagama’t pinasalamatan nito ang mga medical at iba pang frontline workers sa pandemya ay hindi nito sinabi kung ano ang plano ng kanyang gobyerno para makawala ang bansa sa pandemya.

“The Filipinos are constantly waiting for an overall blueprint on our survival against this pandemic, considering the Delta variant and possible other variants to arise,”ani Deputy Speaker Rufus Rodriguez.

Masyado na aniyang nilugmok ng COVID-19 ang mamamayang Filipino kaya kailangan ang malinaw na tugon ng pamahalaan sa problemang ito subalit binigo sila ng pangulo.

Maging si Gabriela party-list Rep. Arlene Brosas ay dismayado dahil marami umanong sinabi si Duterte tungkol sa droga, komunismo at imprastraktura subalit walang plano kung papaano makaaalpas ang mga Filipino sa pandemya.

“Kahit ang tugon sa Covid para maampat ito ay wala din. Nag-ulat lang siya ng ilang nagawa, pero alam nating lalong lumalala ang pagdami ng Covid sa nakalipas na 2 linggo. Palaging lockdown lang ang sagot. Kapos ang testing at salat na salat ang bakuna,” ayon kay Bayan Muna party-list Rep. Eufemia Cullamat.

Sinabi naman ni ACT party-list Rep. France Castro na talagang walang plano ang gobyerno ni Duterte na makamit agad ang herd immunity.

“Walang plano para sa mas malawak na pagbabakuna, walang tungkol sa plano sa pandemya, walang plano para sa ligtas na balik eskwela, walang plano para sa pagsugpo ng krisis sa ekonomiya. Walang kwenta para sa mamamayan ang huling SONA ni Duterte,” dagdag pa ng mambabatas. (BERNARD TAGUINOD)

Read More

Gov. Suarez kinalampag sa pondo para sa health workers COVID-19 CASES SA QUEZON POSIBLENG TUMAAS PA

0

POSIBLENG madagdagan pa ang bilang ng mga tinatamaan at namamatay sa sakit na COVID-19 sa lalawigan ng Quezon kung hindi ipalalabas ng Pamahalaang panlalawigan ang pondong nailaan na sa pasweldo ng health workers at pambili ng medical supporting equipment.

Hinimok ng mga apektadong health workers si Governor Danilo “Danny” Suarez na aksyunan ang kanilang karaingan.

Sa tala ng Department of Health, aabot na sa 700 kaso ng pagkamatay sa COVID-19 samantalang mahigit 16,000 naman ang infected ng nasabing virus. Sa ilalim ni

Suarez, ang lalawigan ang mayroong pinakamataas na bilang ng COVID-19 infections at nagtala lamang ng 1.2% vaccination rate ang probinsya kumpara sa ibang lalawigan sa CALABARZON 4-A.

Sa panayam kay Sonny Ubana, board member at Majority Floor Leader ng Sangguniang Panlalawigan ng Quezon sa programang Dos por Dos sa DZRH, sapat ang pondong inaprubahan ng kanilang lalawigan bilang pasweldo sa mga regular at contractual employees ng Quezon. Bagamat re-enacted ang budget ng lalawigan, sasapat ang alokasyong 75.5 million pesos noong 2020 na inaprubahan mismo ni Governor Suarez.

Bagamat mas mababa ito sa 102 milyong pisong inilaan para sa pasweldo noong 2019, mayroong sapat na pera ang pamahalaang panlalawigan para tuloy-tuloy na makatanggap ng sweldo ang mga empleyado ng kapitolyo, ani Ubana.

Ipapasa sana ng Sangguniang Panlalawigan ang 2021 panukalang badyet ng gobernador kung hindi natuklasan ng walong miyembro ng board ang mahigit 200-300 milyong pisong mga proyekto na wala umano sa annual investment plan na ipinanukala mismo ni Governor Suarez at aprubado ng board.

Hindi rin aniya tugma ang panukalang 2021 budget sa isinapublikong layunin ni Suarez na maglaan ng mas malaking pondo para sa kampanya laban sa COVID-19.

Ayon kay Ubana, ginagawa lamang ng walong board members ang kanilang sinumpaang tungkulin bilang mga halal na opisyales na protektahan ang pondong bayan. Hindi umano naaayon sa direktiba ng Department of Interior and Local Government (DILG), maging ng Department of Budget and Management (DBM) na ipasa ng pamahalaang panlalawigan ang mga proyektong walang sapat na pag-aaral at pupuntahan. (FERNAN ANGELES)

Read More

Pinasaringan ng solon sa pagsirit ng COVID-19 cases sa Davao City SARA INUUNA PANGANGAMPANYA

0

MISTULANG pinasaringan ni Bayan Muna party-list Rep. Eufemia Cullamat si Davao City Mayor Sara Duterte na napababayaan nito ang kanyang siyudad dahil sa ‘maagang pangangampanya’.

Ayon kay Cullamat, patuloy ang pagtaas ng kaso ng COVID-19 sa Davao City na isang patunay na “hindi binigyan ng priority ang usaping pangkalusugan ng populasyon sa Davao”.

“Sa nagdaang mga buwan ay naiulat na ito at hanggang ngayon ay patuloy na tumataas ang bilang ng Covid cases sa Davao City,” ayon sa mambabatas.

Dahil dito, tila wala umanong atensyon ang namumuno sa Davao City sa pandemya sa COVID-19, hindi dahil pinababayaan ng national government ang nasabing lungsod kung saan nagmula si Pangulong Rodrigo Duterte.

“Sentrong lungsod ito kaya mahirap sabihing di naabot ng sapat na serbisyo. Isa pa ay syudad itong pinagmulan ng pangulo kaya mahirap isiping wala ito sa prayoridad ng paglalagakan ng pondo,” ayon sa mambabatas.

Sa patuloy na pagtaas umano ng kaso ng COVID-19 sa lungsod ay hinahanapan ng taumbayan kung “nasaan ang atensyon ng mga namamahala sa siyudad na yan?”

Hindi man binanggit ni Cullamat ang pangalan ng batang Duterte ay mistulang siya ang tinutukoy na ‘maagang nangangampanya” dahil panay ang labas ng alkalde sa lungsod.

“Hindi simple ang krisis ng pandemya, kaya dapat ito ang inuuna ng mga lokal na pamahalaan,” paalala ng mambabatas. (BERNARD TAGUINOD)

Read More

MAGPAPABAKUNA ‘WAG BASAIN SA ULAN

0

UMAPELA si Pangulong Rodrigo Roa Duterte sa Local Government Units (LGUs) na “gamitin ang common sense” at huwag paghintayin ang mga tao sa pila habang umuulan at may baha para lamang mabakunahan laban sa COVID-19.

Ang apela na ito ni Pangulong Duterte ay matapos makatanggap ng ulat na sa kabila ng malakas na buhos ng ulan at pagbaha ay nakapila pa rin ang mga tao sa vaccination sites sa Metro Manila, kabilang na ang Maynila at Mandaluyong, maturukan lang ng bakuna laban sa COVID-19.

Sinabi ng pangulo sa kanyang ipinatawag na special meeting kasama ang Inter-Agency Task Force (IATF) sa Malakanyang na kailangan magpalabas ang LGUs ng mas matinong proseso ng pagbabakuna kaysa payagan ang mga tao na pumila “as early as 4 a.m.” at mabakunahan ng “9 a.m.”

Dahil dito, sinabihan ni Pangulong Duterte si Interior Secretary Eduardo AƱo na magpalabas ng direktiba na mag-aatas sa LGUs na maging mas “proactive” at “circumspect especially now that the Southwest Monsoon is passing the country na. It’s not the way to do it.”

Binalaan din ni Pangulong Duterte ang mga LGU na huwag nang maulit pa ang nasabing insidente dahil “kawawa iyong tao “.

Aniya, sa ganitong sitwasyon ay lantad ang mga tao sa mga sakit gaya ng leptospirosis, flu, at iba pang respiratory diseases. (CHRISTIAN DALE)

Read More

171M DOSES NG BAKUNA MAKAKAMIT NGAYONG TAON

0

INAASAHAN ng Pilipinas na makatatanggap ito ng kabuuang 171 milyong doses ng COVID-19 vaccine ngayong taon.

Ito ang inanunsyo ni Finance Secretary Carlos Dominguez III sa ipinatawag na special meeting ni Pangulong Rodrigo Roa Duterte sa Malakanyang kasama ang Inter-Agency Task Force (IATF), nitong Sabado.

Sa pag-uulat ni Dominguez kay Pangulong Duterte, ang nasabing bilang ng bakuna ay “more than enough” para bakunahan ang buong adult population sa bansa.

“So the total we are expecting to receive this year is 171 million doses. So that 171 million is more than enough to vaccinate the entire adult population of the Philippines,” ayon kay Dominguez.

“As of July 18,” ang Pilipinas ay nakapagbakuna ng 15 milyong doses.

May kabuuang 10,388,188 indibidwal ang nakatanggap ng one dose habang 4,708,073 naman ang fully vaccinated laban sa sakit.

Layon ng Pilipinas na makapagbakuna ng 70 milyong Filipino mula sa COVID-19. (CHRISTIAN DALE)

Read More

5 MANILA AREA MAY DELTA VARIANT CASES

0

LIMA ang kumpirmadong may kaso ng Delta variant ng COVID-19 sa limang lugar sa lungsod ng Maynila ngunit walang plano na magpatupad ng lockdown si Manila Mayor Francisco “Isko Moreno” Domagoso.

Iniulat na may tatlong linggo na umano ang nakararaan nang makumpirmang may Delta Variant sa iba’t ibang lugar sa Maynila

Ayon sa alkalde, makaraan ang impormasyon ay nagsagawa ng pulong ang metro mayors, Metro Manila Development Authority (MMDA) at ang health authorities.

“Salamat sa Diyos at itong lima, as of today (July 24), mukhang ligtas na mayroon na lang kukumpirmahin but the content taken from them was confirmed by genome and sent kanina lang,” saad ng alkalde.

Ang limang lugar na tinukoy na may kumpirmadong kaso ng Delta variant ay ang Sampaloc, Parola, Gagalangin sa Tondo; Apacible sa Ermita at Taft Avenue.

Pinayuhan ng alkalde ang mga residente sa nasabing mga lugar na mahigpit na mag-ingat dahil laging may panganib na dala ang nasabing variant at kailangan din na maging responsable ang lahat.

“Paalala sa limang lugar ‘yan ang bagong case. Ligtas sila, ‘yung iba positive pero asymptomatic at sa awa ng Diyos, wala pang napaulat na bumaba ng CT (cycle threshold) value,” ayon pa sa alkalde. (RENE CRISOSTOMO)

Read More

EX-COUNCILOR NASAWI SA COVID-19

0

NASAWI ang isang dating konsehal ng bayan makaraang ma-reinfect ng nasabing virus sa Balagtas, Bulacan.

Base sa report, July 20 nang mamatay sa COVID-19 si Konsehal Ariel Puatu, 56, residente ng Longos, Balagtas, Bulacan.

Napag-alaman na buong pamilya umano ni Puatu ang tinamaan ng naturang virus at si Konsehal at ang asawa nitong si Gemma ang sinasabing pinaka-grabe ang naging kaso habang mild cases naman sa dalawa nitong anak.

Base sa report, July 16 nang lagnatin ang konsehal at nang ika-apat na araw ay na-comatose ito at isinugod sa Sacred Hospital sa Malolos hanggang sa bawian ng buhay ng araw ding iyon, July 20.

Nabatid na bakunado na ng first dose ang konsehal at pamilya nito gamit ang Sinovac vaccine pero hindi pa rin kinaya ng konsehal ang bagsik ng COVID-19.

Napag-alaman pa na ito ang ikalawang beses na tinamaan ng nasabing infectious disease ang konsehal.

Labis naman ang pagtataka ng mga kamag-anak at kaibigan maging ang pamilya ni Puatu kung bakit sa kabila ng bakuna ay nasawi pa rin ang mahal nila sa buhay. Pagpapatunay anila na wala pa ring kasiguruhan sa kaligtasan ang taumbayan kahit bakunado na.

Ayon sa Department of Health (DOH), kahit fully vaccinated ka na laban sa COVID-19 ay maaari ka pa rin magka-Covid subalit hindi na risky ang buhay at mas madali nang magamot ang virus.

Si Puatu ay nahalal na konsehal ng bayan at tatlong terminong nanungkulan bilang municipal councilor mula 2001-2010 habang naging alkalde naman ang kanyang ama na si Mario Puatu noong 2001-2004.

Si Puatu ay kasalukuyang hepe ng Public Employment Service Office (PESO) ng lokal na pamahalaan ng Balagtas. (ELOISA SILVERIO)

Read More

IATF HINIKAYAT MAGBAKUNA NG MGA BAKWIT

0

HINILING ni Senator Joel Villanueva sa gobyerno na magsagawa ng pagbabakuna sa mga kababayan nating nasa mga evacuation center upang maiwasan ang pagkakaroon ng “COVID-19 superspreader event” sa mga naturang lugar.

“Bigyan na po natin ng bakuna ang mga bakwit para mapabilis pa nang husto ang roll out,” ani Villanueva sa isang pahayag. “Kung mayroon na pong mga health personnel na nagmomonitor ng kanilang kalagayan, bilangin na po natin ang mga hindi pa bakunado at dalhan ng bakuna.”

Karaniwang “kulob at siksikan” ang mga evacuation center na maaaring maging sentro ng pagkahawa-hawa sa COVID-19, lalo na sa mas nakahahawang Delta variant, paliwanag ng senador.

“Kung maaari po nating iwasan ang isa pang kalamidad na pwedeng mangyari sa mga evacuation centers, gawin na po natin. Mahirap pong ma-double whammy ng COVID-19 at ng baha, lindol, o pagputok ng bulkan,” ani Villanueva.

Mungkahi rin ni Villanueva, chair ng Senate labor committee, sa IATF na ilagay sa prayoridad ng mga babakunahan ang mga residenteng nakatira sa tinatawag na “danger areas.” “Alam na po natin kung nasaan itong mga geohazard areas. Ito po ay mga lugar na karaniwang binabaha o apektado sa mga kalamidad.”

“Kung mayroon pong preemptive evacuation, dapat mayroon ring preemptive vaccination. Kaya kung lilisan man sila at uuwi na sa kani-kanilang mga tahanan, uuwi po silang bakunado at may karagdagang proteksyon laban sa sakit,” aniya.

Noong nakalipas na taon, tinatayang aabot sa 4.56 milyong Pinoy ang na-displace sanhi ng mga kalamidad, ayon sa 2021 Global Report on Internal Displacement (GRID). Dagdag pa ng ulat, pumapangalawa ang Pilipinas sa China pagdating sa bilang ng evacuees.

Ayon sa tala ng gobyerno, aabot na sa 14,000 katao mula sa iba’t ibang bahagi ng Luzon ang lumikas sa kani-kanilang mga tahanan bunsod ng tuloy-tuloy na pag-ulan dulot ng Bagyong Fabian at habagat sa mga nakalipas na araw. (ESTONG REYES)

Read More

Paalala sa publiko sa gitna ng Delta variant HUWAG MAGING KAMPANTE

0

BINALAAN kahapon ni Senator Christopher “Bong” Go ang publiko na huwag maging kampante ngayong may local transmission na ng mas nakahahawang Delta variant ng COVID-19 sa bansa at sa halip ay maging mas vigilante upang hindi dapuan ng karamdaman, sabay giit na ang pangunahing layunin ng pamahalaan ay makapagligtas ng buhay.

“Huwag po tayo magkumpyansa lalo na’t may local transmission na ng Delta variant. Patuloy po tayong mag-ingat, sumunod sa mga patakaran, at makipagtulungan sa ating gobyerno,” ayon kay Go. “Ang inyong disiplina, kooperasyon at malasakit sa kapwa ay importante para malampasan natin ang mga pagsubok na ito.”

Sinabi ng senador na ang pagpapatupad ng health protocols, kabilang ang testing, contact tracing, at isolation, gayundin ang iba pang bumubuo sa COVID-19 response measures ng pamahalaan, ay dapat pang paigtingin at higpitan, kasama ang implementasyon ng mas istriktong border controls at mas pinahusay na paghahatid ng serbisyong pangkalusugan sa mamamayan.

Hinikayat din niya ang mga economic frontliners partikular na ang mga public transport worker na magpabakuna na laban sa COVID-19 dahil ito aniya ang tanging susi o solusyon para unti-unti na ngang makabalik ang lahat sa normal na pamumuhay.

Samantala, nagsagawa rin ang grupo ni Go ng dalawang magkahiwalay na distribution at relief operations noong Hulyo 22 sa Andres Bonifacio Elementary School at Hulyo 23 sa Grace Park Elementary School, upang matulungan ang may 2,000 Tricycle Operators and Drivers Association (TODA) members sa Caloocan City bilang bahagi ng kanyang pagsusumikap na makapagpaabot ng tulong sa transport sector workers na ang buhay at kabuhayan ay labis na naapektuhan ng nagaganap na COVID-19 pandemic.

Kabilang sa mga natanggap ng mga TODA member ay mga pagkain, masks, face shields, at mga vitamins, habang may ilang piling benepisyaryo rin ang nabigyan ng computer tablets para magamit ng kanilang mga anak sa pag-aaral ng mga ito, at ng mga bisikleta na para naman sa kanilang transportasyon.

Pinasalamatan din ng senador ang mga tricycle driver at operators dahil sa patuloy na pagtatrabaho para sa kanilang mga pamilya at pagsisilbi sa komunidad ngayong panahon ng krisis.

“Alam ko pong mahirap ang panahon ngayon. Napakahirap. Marami pong nawalan ng trabaho, marami pong nagsara na negosyo, ‘yung mga ruta ninyo medyo hirap po talaga. Magtulungan lang po tayo,” aniya.

Sa kabilang dako, nagpaalala rin naman si Go, na siya ring chair ng Senate Committee on Health, sa publiko na mayroong Malasakit Center na malapit sa kanilang lugar sakaling kailanganin nila ng tulong medikal. (ESTONG REYES)

Read More