50% POPULATION FULLY VACCINATED SA DISYEMBRE

0

KUMPIYANSA si Pangulong Rodrigo Roa Duterte na 50% sa bansa o 109 milyong populasyon ang magiging fully vaccinated laban sa COVID-19 bago mag-Pasko.

Ang pahayag na ito ng pangulo ay bunsod na rin ng ulat na may 23 milyong Filipino na ang fully vaccinated.

Sa Kalakhang Maynila, 77% ng mga residente ang fully vaccinated.

“The challenge is now to further speed up our vaccination rollout, especially in the provinces, in the key cities and municipalities to achieve our target of at least 50% of the country’s target population by the end of the year,” ayon sa pangulo sa kanyang Talk to the People, nitong Martes.

Nauna nang tinarget ng pamahalaan na bakunahan at gawing fully vaccinated ang 70% ng 109 milyong populasyon ng bansa sa Disyembre ng taong kasalukuyan subalit nagbago ito at naging 80% hanggang 90% ng populasyon bago ang May 9, 2022 national elections.

Ang COVID-19 vaccination para sa mga menor de edad na may gulang na 12 hanggang 17 ay inaasahan magsisimula sa Oktubre 15. Walong ospital ang nakatakdang lumahok sa pilot run sa Kalakhang Maynila na kinabibilangan ng National Children’s Hospital; Philippine Heart Center; Fe Del Mundo Medical Center; Philippine Children’s Medical Center sa Quezon City; Pasig City Children’s Hospital; Philippine General Hospital; Makati Medical Center; at St. Luke’s Medical Center sa Taguig.

“Again, I would like to ask everyone to go out and get yourself vaccinated, regardless of the brand. This is not just for your own protection but also as it is part of your civic duty to protect others. Allow us to turn the page to get everyone back to normalcy,” ayon sa pangulo. (CHRISTIAN DALE)

Read More

KAWALAN NG TRABAHO BAHAGYANG NATUGUNAN NG DOLE

0

LUBHANG ikinalungkot ni Senador Joel Villanueva sa ipinakita ng Department of Labor and Employment (DOLE ) na bahagya lamang natugunan ng National Employment Recovery Strategy (NERS) ng gobyerno ang malawakang kawalan ng trabaho sanhi ng pandemya.

Dahil dito, muling iginiit ni Villanueva ang kahalagahan ng paglikha ng regular at sustainable na mga trabaho sa ilalim ng NERS ng gobyerno dahil bahagya lamang natugunan nito ang malawakang kawalan ng trabaho bunsod ng COVID-19 pandemic.

Bagama’t may nalikhang 780,119 na trabaho mula sa NERS Action Agenda na inilahad ng DOLE kamakailan, ipinunto ni Villanueva na tatlo sa pitong programang nabanggit sa ulat ay lumikha lamang ng short-term employment.

“Upon closer inspection of the report, the programs included the Government Internship Program (GIP), the Special Program for Employment of Students (SPES), and Tulong Panghanapbuhay para sa Ating Disadvantaged/Displaced Workers (TUPAD). These are merely short-term employment, and not really new regular employment opportunities,” ani Villanueva, chairman of the Senate labor committee, sa budget briefing ng DOLE noong Lunes ng umaga.

“Kaya po matagal na natin hinihiling na gumawa ng scorecard ng trabahong nalilikha sa ilalim ng NERS. Gumawa po tayo ng talaan kung anong manggagawa ang kailangan ng industriya, at nasaan ang mga ito. We’ve sought clarification from DOLE to specify how many jobs were actually created under NERS since June this year,” paliwanag pa ni Villanueva.

“Hindi lang po pagsalba ng trabaho, hindi lang po panandaliang trabaho, kundi paglikha po ng matatag at pangmatagalang trabaho ang trabaho natin,” ayon sa mambabatas na nakatakdang iprisinta sa plenaryo ng Senado ang budget ng DOLE bilang vice chairman ng Senate finance committee.

Paliwanag pa ni Villanueva na ang GIP, SPES at TUPAD ay nagsisilbing pansamantalang employment para sa mga benepisyaryo.

Ayon sa website ng DOLE, ang GIP ay ang tatlo hanggang anim na buwang internship na bukas sa mga high school, tech-voc o college students na nais magtrabaho sa gobyerno.

Ang SPES naman ay ang youth-employment bridging program na nagbibigay ng pansamantalang empleyo sa mga mag-aaral para makatulong sa kani-kanilang mga pamilya.

Ang TUPAD naman po ay ang emergency employment program ng gobyerno para sa mga manggagawang nawalan ng trabaho. Tatagal ang trabaho sa loob ng 10 na araw o hanggang 30 na araw, depende sa ipinatutupad na program, ayon sa DOLE website.

Muling iminungkahi ni Villanueva sa DOLE na gumawa ng talaan ng mga trabaho nalikha sa ilalim ng NERS upang madaling ma-monitor ang progreso ng mga programa.

“I know that NERS is an inter-agency or whole of government initiative but let us reach for our targets, specifically for DOLE. Ilan po ba ang malilikhang mga bagong trabaho ng ahensya? Ilan po kada industriya? Ilan po kada rehiyon? Ilan po kada probinsya?” Villanueva said.

“Kwentas klaras po sana para hindi “false hope” ang maiparating natin sa ating mga kababayan.”

Umabot sa 8.1 percent o tinatayang 3.88 milyon ang unemployed noong Agosto, habang 14.7 percent o tinatayang 6.48 milyon ang underemployed. (ESTONG REYES)

Read More

SAP SCAM ‘TINUTULUGAN’ NG KAMARA

0

KINALAMPAG ng militanteng mambabatas ang liderato ng mababang kapulungan ng Kongreso para bigyan pansin ang kanilang resolusyon na imbestigahan ang pinasok na kontrata ng Department of Social Welfare and Development (DSWD) sa StaryPay para sa distribusyon ng Social Amelioration Program (SAP).

Ginawa ni Bayan Muna party-list Rep. Carlos Zarate ang pangangalampag kaugnay ng inihain nilang House Resolution (HR) 2146 noon pang Agosto 19, 2021 subalit nananatiling nakabinbin sa Kamara.

Ayon sa mambabatas, hindi dapat palagpasin ng Kamara ang anila’y maanomalyang transaksyon ng DSWD sa StarPay dahil kaduda-duda na nabigyan it ng 60% sa SAP funds o katumbas ng P50 billion gayung baguhan lamang ito sa industriya.

Pinaghatian naman umano ng 6 pang financial service providers (FSPs) na matatagal na sa industriya tulad ng Land Bank of the Philippines (LBP), GCash, RCBC, Robinsons Bank, PayMaya at Unionbank ang iba pang pondo.

Duda ang grupo ni Zarate dahil bukod sa 2018 lamang nairehistro ang StarPay ay nagdeklara umano ito ng bankruptcy noong 2019 ngunit nakakuha ng mas malaking parte sa SAP.

Mas kailangan umanong mag-imbestiga ang Kongreso dahil lumalabas na 500,000 lamang umano sa 1.8 million beneficiaries ang nakakuha ng ayuda sa StarPay.

Ayon sa mambabatas, maraming report na pinatulog umano sa bangko ang SAP funds na idinaan sa StarPay kaya hindi ito agad naipamahagi gayung kailangang kailangan ito ng mga tao sa panahon ng pandemya noong 2020.

Kinuwestyon din sa Senado

Binusisi rin sa Senado ang naturang usapin sa SAP funds.

Kinuwestyon ni Senador Panfilo Lacson kung paano nasabi ng DSWD na mayroon silang 94-percent physical accomplishment sa pamamahagi ng pondo mula sa Social Amelioration Program (SAP), kung 80 porsyento lamang ang kanilang nailabas na pondo?

Binigyang diin ito ng senador nitong Lunes sa kanyang interpelasyon sa panukalang badyet ng DSWD para sa taong 2022 na umaabot sa P191.4 bilyon.

“Something doesn’t add up. The DSWD’s latest data showed that the agency was able to distribute SAP to 717,372 out of 761,259 target beneficiary families. That would constitute 94.23-percent accomplishment as of Aug. 31, 2021,” ani Lacson.

Ngunit ayon din sa naturang report, makikita na 80 porsyento lamang ng pondo ng DSWD ang nagamit para sa SAP.

Paliwanag ni Hannah Carido ng DSWD, may ginawa silang adjustment sa kanilang target, kung saan 855,597 ang benepisyaryo noong Enero 2021 sa halip na 717,372.

Sa kabilang banda, inatasan naman ni Lacson ang DSWD na matuto na mula sa kanilang “poor planning” kung saan kailangan nilang makipag-ugnayan sa Starpay matapos mapag-alaman na 70 porsyento pala ng SAP beneficiaries ay may depektibo o walang mobile phone.

“The DSWD became reactive. It did not determine the beneficiaries’ capability to use mobile phones before distributing the aid, so it had to engage financial service providers. It should have planned first and determined the capability of the beneficiaries to receive aid via mobile phones. The bottom line is poor planning,” giit ni Lacson.

Sinabi rin ni Lacson na namroblema ang ilang local government units sa pamamahagi ng SAP matapos silang makatanggap ng mga reklamo na hindi ito naipamamahagi base sa datos ng DSWD, na kalaunan ay napag-alaman na luma na pala dahil noong 2015 pa.

“Some barangay chairmen agreed among themselves to just redistribute the P5,000 to P8,000 accordingly because the list provided by the DSWD central office was outdated,” sabi ni Lacson.

“They wanted to adapt to the situation on the ground. We cannot fault the LGUs,” dagdag ng senador. (BERNARD TAGUINOD/ESTONG REYES)

Read More

Sa matatandang naturukan ng China vax BOOSTER SHOT INIREKOMENDA NG WHO

0

REKOMENDADO ng World Health Organization Organization (WHO) na bigyan ng booster shot ang matatandang unang naturukan ng Sinovac at Sinopharm COVID-19 vaccines at maging mga indibidwal na may mahinang ‘immune system’.

Pero nilinaw ng Strategic Advisory Group of Experts on Immunization (SAGE) na hindi nila inirerekomenda ang pagbibigay ng booster shot sa mayorya ng populasyon kahit ginagawa na ito sa ibang bansa.

Sa halip, nais ng WHO na magpatupad ng moratorium sa booster doses hanggang hindi nababakunahan ang mga populasyon ng mahihirap na bansang kapos pa sa suplay ng bakuna.

“SAGE recommended that moderately and severely immunocompromised persons should be offered an additional dose of all WHO EUL COVID-19 vaccines as part of an extended primary series,” ayon sa SAGE.

Sinabi ni SAGE secretary Joachim Hombach na may mga ebidensya rin silang nakalap na nagiging limitado ang proteksyong ibinibigay ng Sinovac at Sinopharm vaccines sa mga may edad 60-anyos pataas kaya kailangan ng booster shot.

Samantala, nanindigan naman si Food and Drug Administration (FDA) Director General Eric Domingo na hindi pa kailangan ng pamahalaan na magkaloob ng booster shots sa mga fully-vaccinated individual sa bansa dahil wala pa naman silang nakikitang ‘waning effect’ o paghupa ng epekto ng bakuna. (RENE CRISOSTOMO)

Read More

P1-B IBINALIK NG PCSO SA BTr

0

IBINALIK na ng Philippine Charity Sweepstakes Office (PCSO) sa Bureau of Treasury (BTr) ang charity fund nito na may kabuuang P1 bilyon.

Pormal na iniabot ni PCSO General Manager Royina Garma ang tseke ng nasabing halaga sa isang turn-over ceremony nitong Lunes ng umaga sa ground floor ng PCSO Conservatory sa Mandaluyong City.

Ang nasabing halaga ay bukod pa umano sa P2.2 bilyon dividend remittance na ibinigay ng ahensya sa pamahalaan noong 2019. Ang karagdagang P1 bilyon remittance ay gagamitin ng pamahalaan sa pagsugpo sa COVID-19.

Pinasalamatan naman ni Garma ang mga mananaya sa patuloy na pagtangkilik sa PCSO sa kabila ng krisis na nararanasan ngayon.

“Nagpapasalamat ako sa mga patrons o mananaya namin na kahit na dumaan ang pandemya ay hindi nagsawa na sumoporta sa amin at naniwala sa aming mga produkto. Kundi sa kanila ay wala kaming maibibigay o maibabalik na tulong sa kanila,” ani Garma.

“Salamat din sa aming mga empleyado na laging handa sa pag-ambag ng kanilang mga sarili sa pagtatrabaho upang makamit namin ang aming mga targets at para matupad ang patuloy na pagtulong sa ating mga kababayan lalo na sa panahon ng pandemya. Sana po ay patuloy nyo kaming suportahan sa mga darating pang buwan papunta sa pagdating ng bagong taon,” dagdag pa niya. (KNOTS ALFORTE)

Read More

Pag-eksena ni ‘Bato’ barado SUBSTITUTION IBABASURA SA KAMARA

0

(BERNARD TAGUINOD)

HINDI na uubra sa mga susunod na halalan ang substitution ng mga kandidato tulad ng nangyari kay Pangulong Rodrigo Duterte noong 2016 elections.

Sa pamamagitan ito ng pag-amyenda sa election law na isinusulong ngayon sa Kamara.

Bukod dito, nais ibalik ni Deputy Speaker Rufus Rodriguez na kapag naghain na ng kanilang certificate of candidacy (COC) ang mga kandidato, halal man o miyembro ng Cabinet ay otomatikong resign na sa kanilang puwesto.

“One reform I am proposing is an almost absolute ban on substitution of candidates by political parties. Another is the restoration of the old rule requiring incumbent officials to resign or to be deemed automatically resigned upon the filing of their certificates of candidacy (COCs) for other positions,” ani Rodriguez.

Ginawa ng mambabatas ang pahayag dahil sa nakaraang COC filings, may mga kandidato ang nahain ng kanilang kandidatura subalit hinihinalang isa-substitute din sila ng kanilang kapartido bago matapos ang substitution date sa November 15.

Hindi na nagbanggit ng pangalan ang mambabatas subalit kabilang sa mga naghain ng COC para sa presidential race si Sen. Ronald “Bato” Dela Rosa na aminadong handang magpa-substitute sa anak ng pangulo na si Mayor Inday Sara. Umaani ngayon ng batikos at pangungutya ang senador dahil sa tila hindi seryosong pagtakbo sa nasabing posisyon.

“It is lamentable that for the May 2022 elections, certain candidates for the presidency are perceived to be proxies for some personalities, even if they can be considered as serious aspirants,” ani Rodriguez.

Dahil dito, sinabi ng mambabatas na maraming tao ang hindi naniniwala na seryoso at kwalipikado ang ilang naghain ng COC dahil maaari silang palitan ng ibang kandidato sa loob ng kanilang partido.

Papayagan lamang aniya ang substitution sa panukala ng mambabatas kapag namatay ang kandidato na naghain ng COC subalit kung buhay ito hanggang sa araw ng eleksyon ay hindi dapat i-substitute.

Kailangan din aniyang ibalik ang dating sistema na mag-resign muna sa puwesto ang isang aspirante bago ito maghain ng kanyang COC sa anomang posisyon sa gobyerno.

“A candidate would not agree to be a proxy for a dawdling, wavering or indecisive aspirant if he would have to give up his office. The resignation requirement would apply to all levels, national or local, whether aiming for higher or lower positions,” dagdag pa ng solon.

Base sa katatapos na COC filing sa Commission on Elections (Comelec), maraming naghain na cabinet officials at incumbent senators tulad ni Dela Rosa ang hindi nag-resign sa kanilang puwesto.

Hindi na ito mangyayari kapag nagtagumpay si Rodriguez na maamyendahan ang Election law dahil sa ayaw at sa gusto ng mga ito ay kailangang mag-resign muna sila bago tumarget ng mas mataas na puwesto.

“It would prevent them from using their offices, public funds and their influence to promote their candidacies. These would also make more people believe in the integrity of our elections,” dagdag pa ng mambabatas.

Read More

35-taong hustisya ‘LIFE’ SA PUMATAY SA LABOR LEADER

0

MAKALIPAS ang 35 taon ng paglilitis, hinatulan ng korte ang tatlong dating sundalong miyembro ng Rebolusyonaryong Alyansang Makabansa (RAM) para sa pamamaslang sa lider-obrerong si Rolando Olalia at kasamang Leonor Alay-ay sa Antipolo City sa lalawigan ng Rizal.

Sa isang pahayag, sinabi ni Atty. Edre Olalia na tumatayong pangulo ng National Union of People’s Lawyers (NUPL), reclusion perpetua o habambuhay na pagkakakulong ang iginawad na sintensiya ng Antipolo City Regional Trial Court kina Desiderio Perez, Dennis Jabatan, and Fernando Casanovas.

“Iko-confirm ko na a few seconds ago, guilty ‘yung tatlong akusado, guilty beyond reasonable doubt” ani Atty. Olalia na pinsan ng pinaslang na labor leader.

Bukod sa tatlong nahatulan ng korte, kabilang din sa mga sinampahan ng kaso kaugnay sa pagdukot at pagpatay kay Olalia noong Nobyembre 1986 sina Ambassador Eduardo Kapunan at iba pang opisyal ng militar.

Gayunpaman, napawalang-sala na si Kapunan taong 2016, habang siyam na iba pa ang hindi pa naaresto.

Kumbinsido naman ang NUPL na mabubulok na sa bilangguan ang tatlong dating sundalo kahit pa 1986 naganap ang krimen. Paliwanag niya, taong 2012 lang naaresto ang tatlong RAM members kaya naman sa tantya ng nasabing abogado – mayroon pang 31 taong ilalagi sa likod ng rehas ang mga sentensyado.

“They were arrested only in 2012, so that means to say that’s been only nine years. So, they will still have to spend 31 years at most,” saad ni Atty. Olalia.

Malugod namang tinanggap ng mga kaanak ng mga biktima ang hatol ng korte.

“It is with deep relief mixed with a tinge of frustration that we welcome the decision of the trial court convicting three of the accused in this long, drawn-out case of unspeakable murder and torture,” ayon pa sa pamilya Olalia, kasabay ng pahayag ng pag-asa sa ikadarakip ng siyam pang iba.

“On the one hand, others who were allegedly involved based on the disturbing testimonial evidence of the prosecution remain off the hook and are in our midst. Nine of those formally charged are still at large despite 35 years on the run.”

Read More

All-MVP Group teams, posible sa PH Cup Finals

0

SA kauna-unahang pagkaka­taon sa magkahiwalay na semifinal best-of-seven series sa pagitan ng Talk ‘N Text at San Miguel, Meralco at Magnolia, matagumpay na nakaiskor ang MVP Group ni Manny V. Pangilinan ng double whammy laban sa mga katunggaling koponan ng RSA Group ni Ramon S. Ang nang talunin kapwa ng Tropang Giga ang Beermen at Bolts ang Hotshots noong Biyernes sa 2021 PBA Philippine Cup.

Wagi ang Tropang Giga, 115-98, laban sa Beermen at ang Bolts, 91-86, kontra Hotshots sa tahanan ng All-Filipino semi-bubble sa DHVU Gym sa Bacolor, Pampanga. Ayon sa mga miron, hudyat na posibleng ang dalawang koponang ari ni MVP ay mawakasan ang anim na taong pagkatigang sa kampeonato at malamang magkaroon pa ng All-MVP team sa finals mula nang ang TNT at Meralco ay makakuha ng prangkisa sa kauna-unahang liga propesyonal sa bansa at Asya.

Nakabili ng prangkisa ang TNT noong 1990 at sinundan ito ng Meralco noong 2010, ngunit kahit minsan ay hindi pa nagkatagpo ang dalawang koponang ito sa conference finals ng PBA. Pitong beses nang tinanghal na kampeon ang TNT nang dala-dala pa nito ang pangalang Mobiline, Seven-Up at Pepsi Cola.

Samantala ay wala pang pinapanalong korona ang Bolts, bagama’t tatlong beses na silang nakapag-uwi ng tropeo bilang runner-up matapos yumukod sa Barangay Ginebra noong 2016, 2017 at 2019 Governors’ Cup.

Patungong Game 4 nitong Linggo, dala ng Tropang Giga ni coach Chot Reyes ang kartadang 2-1 panalo-talo at kailangan lang nila ng dalawa pang panalo para makuha ang unang silya sa finals.

Lamang naman ang Hotshots sa Bolts, 2-1, at umaasa si coach Norman Black na mauulit ng kanyang mga bata ang pagdomina sa mga alaga ni coach Chito Victolero para maitabla ang serye.

Naniniwala si Reyes na sa pagwawagi ng kanyang Tropa sa Game 3 noong Biyernes ay nalutas na nila ang solusyon patungo sa huling yugto ng laban. At umaasa siyang mapapanatili ang momentum hanggang sa katuparan ng kanilang misyon.

“San Miguel is a very tough defensive team, man for man. They have elite defenders in Chris Ross and Marcio (Lassiter), not to mention their bigs, they are very good defenders. We really have to find ways to hit our outside shots,” obserba ni coach Chot.

Naipasok ng Katropa ang 13 sa kanilang 35 na pagtatangka mula sa parking lot, apat dito ay galing kay rookie Mikey Williams. Lubos din ang papuri ni coach sa kanyang mga hugot mula sa free agency—Dave Marcelo, Glenn Khobuntin, Chris Exciminiano at Brian Heruela na kung tawagin niya’y mga “Kurimaw.” Nakatulong din ng malaki ang mga ­scorer na sina RR Pogoy, Troy Rosario, Poy Erram at Jayson Castro.

Para naman kay Meralco coach Norman, sapat na ang panalo ng kanyang Bolts noong Biyernes para ipamalas na balik na ang kanilang fighting heart na kakailanganin nila sa mga nalalabi pang yugto ng semis.

Batid ni Magnolia coach Chito na kung may isang koponang may kakayahang makaahon sa hukay at manalo ng tatlong sunod, ito ay ang Bolts ni coach Norman matapos nila itong patunayan sa huling bahagi ng elimination round kung saan tinuhog nila ang apat na panalo para tumapos na pangalawa sa TNT patungo sa quarterfinal round.

***

MATAPOS ang Game 4 double-header nitong Linggo, tinabla ng SMB ang serye kontra TNT, 2-2, habang lumapit sa finals ang Magnolia makaraang muling talunin ang Meralco para maungusan ito ng dalawang games, 3-1.

Read More

2021 PBA Philippine Cup Finals MAGNOLIA NAMUMURO

0

ISANG panalo na lang ang kailangan ng Magnolia patungong 2021 PBA Philippine Cup Finals.

Nitong Linggo ay kinubra ng Hotshots ang importanteng ikatlong panalo laban sa Meralco Bolts, 81-69, sa Game 4 ng kanilang best-of-seven semifinal series.

Hindi na nagpatumpik-tumpik ang Hotshots at agad nagpasilab kontra Bolts kung saan ­lumamang sila ng hanggang 22 puntos.

Dahil sa laki ng abante ng Magnolia ay hindi na kinaya ng Meralco na makadikit pa at tuluyang nagkolaps sa Don Honorio Ventura State University gym sa Bacolor, Pampanga.

Sinamantala nina Ian Sangalang, Calvin Abueva at Mark Barroca ang patuloy na pagkawala ni Meralco center Raymond Almazan (suspected fractured cheekbone) nang kumamada ang tatlong Hotshots ng tig-17 puntos upang kunin ang 3-1 bentahe sa serye.

Ayon kay Magnolia coach Chito Victolero, ­inaasahan na niya na gagawin ng Meralco ang lahat sa muling paghaharap nila bukas (Miyerkoles).

Abante ng 22 ang Magnolia, 64-42, sa third period nang magrali ang Meralco sa pangunguna nina Cliff Hodge, Chris Newsome at veteran Reynel Hugnatan at maibaba ang kalamangan ng Hotshots sa lima.

Ngunit nag-regroup ang Magnolia at pumasok ang three-pointer ni Barroca upang muling dumistansya, 77-69, sa nalalabing 2:12 minuto ng laro. Mula rito ay hindi na lumingon pa ang Hotshots.

Nanguna para sa Bolts ang 42-anyos na si ­Hugnatan na kumamada ng 21 points at nine rebounds. Nagdagdag si Hodge ng 13 at 11 points mula naman kay Newsome.

Read More