OPISYAL nang inirefer ng House Plenary sa House Committee on Justice ang apat na impeachment complaints laban kay Sara Duterte.

Ang hakbang ay nangangahulugang maaari nang umusad muli ang impeachment process matapos ang isang taong ban.

Ang unang reklamo ay inihain ng Makabayan Coalition at inendorso nina ACT Teachers Rep. Antonio Tinio, Gabriela Rep. Sarah Jane Elago, at Kabataan Rep. Renee Louise Co.

Ang ikalawa ay mula sa mga progressive at civil society groups na inendorso nina ML Party-list Rep. Leila de Lima at Akbayan Rep. Perci Cendaña.

Ang ikatlo ay inihain ng mga pari, madre, at legal practitioners at inendorso rin ni de Lima.

Ang ikaapat na reklamo ay inihain ni Atty. Nathaniel Cabrera at inendorso nina House Human Rights Committee Chair Bienvenido Abante Jr. at Deputy Speaker Paolo Ortega.

Sa ilalim ng Saligang Batas, maaaring mapatalsik ang Bise Presidente dahil sa culpable violation of the Constitution, treason, bribery, graft and corruption, high crimes, at betrayal of public trust.

Kumpiyansa si Ortega na lulusot sa pagbusisi ng komite ang ikaapat na reklamo at hindi aniya matitinag sa anomang pressure ang Justice Committee sa pamumuno ni Cong. Jinky Luistro.

(TINA MENDOZA)