SINUSPINDE ni Ombudsman Samuel Martires ang apatnapu’t siyam na mga opisyal mula sa Bureau of Investigation (BI) at Department of Health (DOH) bunga ng pagkakasangkot sa katiwalian at kapabayaan.

Sa BI, 44 opisyal nito na nahaharap sa kasong katiwalan at korapsyon kaugnay sa P30 bilyong “pastillas scam” ang sinuspinde.

Ayon kay Martires, ipinadala na niya sa tanggapan ni BI Commissioner Jaime Morente ang kanyang desisyon laban sa 44.

Sinabi rin ni Martines na hiningan niya si Morente ng katibayan sa pagpapatupad ng suspensiyon.

Bunga nito, hindi makatatanggap ng sahod sa loob ng anim na buwang suspensiyon sina BI Port Operations Division (POD) acting chief Grifton Medina, Ninoy Aquino International Airport (NAIA) Terminal 1 traffic control and enforcement unit deputy head Dean Albao, senior immigration officer ER German Robin at NAIA immigration supervisor Abdulhafez Hadjibasher (matataas na opisyal na inireklamo hinggil sa koraspyon ng NAIA-BI gamit ang istilong pastilyas) at immigration officers Gabriel Estacio, Ralph Garcia, Phol Villanueva, Abdul Calaca, Danilo Deudor, Mark Macababad, Aurelio Lucero III, George Bituin, Salahudin Hadjinoor, Chevy Chase Naniong, Jeffrey Dale Ignacio, Hamza Pacasum, Manuel Sarmiento at Cherry Pie Ricolcol.

Kasama rin sina Erwin Ortañez, Glenn Comia, Benlando Guevarra, Danieve Binsol, Arlan Edward Mendoza, Anthony Lopez, Cecille Jonathan Orozco, Dennis Robles, Bradford Allen So, Vincent Bryan Allas, Rodolfo Magbuhos Jr., Carl Jordan Perez, Juan Carlo Gomez, Clint John Simene, Jhayson Albelda, Asliyah Maruhom, Jan Christian De Villa, Jessica Anne Salvador, Jennifer Timbreza, Robern Michael Sarmiento, Maria Victoria Jogno, Catherine Mendoza, Lorenz Arlei Bontia, Paul Borja at Dimple Mahyumi Mallari.

Maging ang security guard na si Fidel Mendoza ay pasok din sa suspensiyon.

Hindi kasama sa mga pinarusahan ni Martires ang pinaniniwalang “utak” at “protektor” ng pastillas gang dahil iniimbestigahan pa umano ito ng National Bureau of Investigation (NBI).

Samantala, ang limang opisyal naman ng DOH ay sinuspinde rin ng anim na buwan dahil sa pagkaantala ng mga benepisyo ng health workers sa panahong nananalasa ang coronavirus disease-2019 (COVID-19) sa bansa.

Ang pinakamataas sa lima ay si Undersecretary for administration and financial management Roger Tong – An.

Ang iba pa ay sina Assistant Secretary Kenneth Ronquillo, Administration and Financial Management Assistant Secretary Maylene Beltran, Administrative Services Director Laureano Cruz at Policy and Personnel Services Director Esperanza Carating.

Ayon sa utos ni Omb. Martires, ang asunto ng lima ay “gross neglect of duty and inefficiency and incompetence in the performance of official duties may warrant their removal from service; their continued stay in office may prejudice the investigation of the case filed against them” makaraang mapatunayang naantala ang mga benepisyong dapat natanggap ng health workers na totoong humaharap sa mga taong tinamaan ng COVID-19.

Wala ring sasahurin ang mga ito sa loob ng anim na buwang suspensiyon. (NELSON S. BADILLA)