CAVITE – Nadakip ng Cavite police ang limang tinaguriang topmost wanted sa lalawigang ito sa isinagawang anti-crime operation laban sa wanted persons sa magkakahiwalay na lugar.

Sa ulat ng Cavite Police Provincial Office (PPO), kinilala ang nasa listahan ng top 1 city level na si Edgar Gonzaga, 50; naaresto noong Miyerkoles dahil sa kasong rape in relation to RA 7610 (child abuse), 13 counts.

Kasama rin sa rank no. 1 sa Manhanut Charlie municipal level si Mark Cloyd Oligrio, 31; naaresto noong Miyerkoles ng gabi sa Brgy. Lalaan 2, 2nd Silang, Cavite dahil sa kasong murder.

Nasa top 4 naman sa PRO4A regional level at top 1 municipal level si Michael Francis Francisco, 29, naaresto noong Miyerkoles dahil sa kasong murder.

Hindi rin nakaporma si Francis Javier y Austria, 22, service crew, nang dakmain noong Miyerkoles sa kasong rape in relation to RA 7610 (child abuse).

Nasa top no. 6 city level naman si Jonh Albert Cañete, 30, inaresto nitong Huwebes ng umaga sa Brgy. Buenavista, Gen. Trias City, dahil sa kasong paglabag sa Section 5, Art. II ng RA 9165 (Comprehensive Dangerous Drugs Act of 2002. (SIGFRED ADSUARA)