MAY 79,000 rehistradong mangingisda ang makakakuha ng fuel subsidy na naglalayong tulungan ang mga ito na maka-survive mula sa epekto ng kasalukuyan global economic setback na dahil sa coronavirus disease 2019 (COVID-19) pandemic.
Sinabi ni Agriculture Undersecretary for Agri-Industrialization and Fisheries Cheryl Marie Natividad-Caballero na 80,000 mangingisda ang makikinabang mula sa fuel subsidy program ng Department of Agriculture (DA).
“Beneficiaries of fuel discount is approximately 79,000 fishers duly registered in Bureau of Fisheries and Aquatic Resources’ (BFAR) Boat Registry system and encoded into the Registry System for Basic Sectors in Agriculture (RSBSA),” ayon kay Caballero.
Ang mga benepisaryo ay makatatanggap ng P3,000 kada isa sa pamamagitan ng Development Bank of the Philippines’ (DBP) discount cards na ipamamahagi via regional offices sa mga magsasaka at mangingisda na kasama sa talaan ng DA.
Sinasabing P500-milyong piso ang budget na inilaan sa fuel subsidy program.
Sa nasabing halaga, P492.5 milyong piso ang gagamitin para bayaran ang mga kompanya ng langis at fuel retailers na magpapartisipa sa programa at kukuha ng form na 30-percent discount para sa mga holder ng cash cards na ibibigay sa eligible participants.
Ang natitira namang P7.5 milyong piso ay mapupunta sa operational o administrative expenses.
Samantala, muling pinaalalahanan ni DA Secretary William Dar ang mga eligible beneficiaries na magparehistro sa sistema ng ahensiya upang makasama sila sa prayoridad at makapag-avail ng iba pang oportunidad.
Ang mga eligible farmer recipients ay kailangan na nakalista sa RSBSA at kailangan na nagmamay-ari at nago-operate ng gumaganang sakahan o fishing machinery, kabilang na ang pumps, engines, tractors, combine harvesters, at corn shellers.
Habang ang eligible fisherfolk naman ay kailangan na rehistrado at gumagamit ng legal na fishing equipment at motorized boats. (CHRISTIAN DALE)
238 
