BINAWI na ni Pangulong Rodrigo Roa Duterte ang nine-year ban sa pagbibigay ng bagong mining agreements para i-maximize ang government revenues.

Sa katunayan, ipinalabas ni Pangulong Duterte ang Executive Order (EO) 130, na nagsaaad na ang pamahalaan ay maaring pumasok sa bagong mineral agreements, “subject to compliance with the Philippine Mining Act of 1995 and other applicable laws, rules, and regulations.”

Ang ban ay ipinatupad ni dating Pangulong Benigno Aquino III, taong 2012.

Sa nasabing EO, sinabi ni Pangulong Duterte na ang Pilipinas ay gumamit ng “less than 5%” ng mineral resources endowment.

Inatasan ng EO ang Department of Environment and Natural Resources (DENR) “to formulate the terms and conditions in the new mineral agreements that will maximize government revenues and share from production, including the possibility of declaring these areas as mineral reservations to obtain appropriate royalties, in accordance with existing laws, rules, and regulations.”

Ipinag-utos din nito sa DENR na gumawa ng masusing pagrebisa sa umiiral na mining contracts at agreements para sa posibleng renegotiation ng terms and conditions.

Sa kabilang dako, ang DENR at Department of Finance, ay gagawa naman ng mga hakbang para i-rationalize ang umiiral na revenue sharing schemes at mekanismo. (CHRISTIAN DALE)