SOBRANG nakatutok si FDCP Chairperson Liza Diño sa joint memorandum circular na pinirmahan nila ng Department of Labor and Employment at Film Development Council of the Philippines kamakailan lang.
Sa pinirmahan nilang ito ay nakapaloob ang guidelines na dapat sundin ng producers para sa mga nagtatrabaho sa TV at pelikula.
Sabi niya, halos tatlong taon din daw nila itong trinabaho, pagkatapos ng consultative meetings sa producers, iba’t ibang grupo sa industry at filmworkers.
Kuwento sa akin nina Gorgy na nag-cover sa Film Ambassador’s Night na ginanap sa Maybank Theater sa BGC, Taguig noong nakaraang Linggo, medyo emotional na raw si Liza na nagsalita, at humihingi siya ng suporta sa patakarang dapat sundin ng lahat.
Humihingi siya ng suporta sa lahat para sa malaking pagbabagong ito sa industriya.
Medyo garalgal daw ang boses nito sa kanyang speech.
Sabi niya; “I would like to take this opportunity to ask for the support of the entire film industry to please support us.
“It’s one thing to create a standard. It’s one thing to make these guidelines. Pero kung hindi po natin ito susuportahan, at hindi po natin ito bibigyan ng pagpapahalaga, ano na po ang mangyayari sa ating industriya?”
Sabi pa niya; “They’ve given their share. They’ve given so much more than themselves.
“They live, because they love this industry and the only way for this to work is to enjoin our production companies, our producers, lahat po na bumubuo sa industriyang ito para mapangalagaan po natin ang ating mga manggagawa.
“I know this is not gonna be easy. I know that this gonna be tough for us. It’s an entrench system that has been going on for the last 100 years and I know that’s going to take a while to get used to this new system, these new standards. Pero ang goal po natin is makarating dun.”
Nagsisimula na raw siyang makipag-usap sa mga producer para sundin na itong guidelines na nakasaad sa Memorandum na pinirmahan nila.
Medyo naaalangan lang daw ang ilang producers dahil mukhang mas tataas daw ang production cost nilang rito pag nagkataon.
“Parang gusto lang nila maintindihan kung paano sila makarating dun sa makasunod sa patakaran.
“Siyempre, ang sinasabi nila baka sobrang tumaas ang cost ng production. Pero siguro, dun tayo sa…’let’s try to understand how we can elevate the conditions of the workers,” sabi ni Liza.
Sa totoo lang, iyun din ang pangamba ko dahil tataas talaga ang production cost niyan ‘di ba?
Kaya baka ang ending niyan, mga maliliit na artista na lang ang kunin ng mga production outfit, pati na rin ang sa TV. Siguro mga home grown talents na lang ang kukunin nila niyan. O kaya, baka canned shows na lang ang bilhin nila at ipalalabas.
Minsan nga mas kumikita pa sila sa canned shows, dahil nagri-rate ang iba riyan, wala pang cost of production. Dubbing na lang ang gagastusan nila.
Naku! Baka mga paborito kong mga Koreanovela ang mapapanood na niyan ha?
Paano na ang mga alaga kong artista niyan?
135
