PAGBIBIGAY NG HIWALAY NA INSENTIBO KAY HIDILYN, IKINUKONSIDERA NG SENADO

0

PINAG-AARALAN na ng Senado ang pagbibigay ng hiwalay na insentibo kay Olympic Gold Medalist Hidilyn Diaz.

Sinabi ni Senate President Vicente ‘Tito’ Sotto III na pinag-aaralan na ng kanilang tanggapan kung magkano ang maaaring ibigay kay Diaz.

Kasabay nito, ipinasa ng Senado ang mga Resolutions na nagbibigay pagkilala kay Air Force Sergeant Hidilyn Diaz dahil sa pagsungkit ng unang gold medal para sa bansa sa Olympics.
Kasama sa inadopt ng Senado ang Senate Resolution Nos. 793, 794, 795, 796, 797, 798, 799, 800, 801, 802, 803, 804 at 805 na inihain nina Sotto at Senators Juan Miguel Zubiri, Bong Go, Bong Revilla, Risa Hontiveros, Franklin Drilon, Lito Lapid, Nancy Binay, Richard Gordon, Imee Marcos, Joel Villanueva, Manny Pacquiao at Pia Cayetano.

Sa kanyang sponsorship speech, kinilala ni Sotto ang dedikasyon, sakripisyo at self-discipline ni Hidilyn upang makamit ang kanyang Olympic goal kung saan nagsanay pa ito at nag-exile sa Malaysia simula nooong February 2020.

“Hidilyn’s win is being celebrated not only it is historic, as the first-ever gold Olympic medal in almost a century, but also because of the fact that it happened in the middle of a pandemic when every move is a struggle and a health-risk, and when we all needed a ray of light,” dagdag ni Sotto.

Sinabi naman ni Recto na ang tagumpay ni Hidilyn ay dumating sa panahon na kapos na ang pagasa para sa mga Pilipino.

“With one lift, she raised the spirits of 110 million people, battered by the pandemic but not beaten, craving for one inspiring story that will break the gloomy monotony of long days looking for jobs and jabs and endless quarantine nights,” saad ni Recto.

Inihayag naman ni Zubiri na hindi na mabubura ang record na itinatak ni Hidilyn.

“She is now in the Chronicles of Philippine History as the First ever Olympic Gold Medalist!!” giit ni Zubiri.

Iginiit naman ni Gordon ang pag-apruba sa resolution na humihiling sa National Historical Commission of the Philippines na maglabas ng commemorative stamps at marker para kay Hidilyn. (DANG SAMSON-GARCIA)

Read More

PAGBANGON NG MARAWI PINABIBILISAN NI DUTERTE

0

WELCOME kay Anak Mindanao Rep. Amihilda Sangcopan ang pagbanggit ni Pangulong Rodrigo Duterte sa kanyang pinakahuling State of the Nation Address (SONA) na bilisan ang rehabilitasyon sa Marawi City.

Umaasa ang mambabatas na sa marching order na ito ni Pangulong Duterte ay agad tutugon ang Task Force Bangon Marawi dahil matagal na aniya ang paghihintay ng mga apektadong residente sa nabanggit na lungsod matapos itong kubkubin ng mga rebelde.

“My heart leaped with gladness when the president ordered to fast-track all the rehabilitation efforts to Marawi. I am one with the Maranaos who have been ardently praying for their return home. We have been waiting for its realization for the past four years. The people have waited long enough,” saad ng mambabatas.

Sa pahayag ng pangulo ay iginiit niyang dapat magkumahog sa pagpapatupad ng rehabilitasyon ng lungsod upang muling patatagin at ibangon ang pamumuhay ng mga residente roon.

“With the President’s pronouncements yesterday during his final SONA, we are hopeful that Task Force Bangon Marawi will be doubling its efforts to heed PRRD’s directives to race against time and finish the necessary work to rehabilitate and rebuild Marawi from the ground up.”

Umapela rin ang kongresista sa Kongreso na ikonsidera ang pagpasa sa Marawi Compensation Bill na isang priority legislation kahit walang kautusan ukol dito ang pangulo.

Kasabay nito ay nakikiisa si Sangcopan kay Pangulong Duterte sa aspirasyong tuwirang maging malaya ang Mindanao sa rebelyon na aniya’y naghatid ng kalumbayan, kahirapan at kamatayan.

“It is a statement of fact that this administration made sure that the Bangsamoro Organic Law be passed. PRRD even certified it as an urgent piece of legislation. This Administration didn’t put to waste the number of years spent chasing after a dream of lasting peace and sustainable development in the region. As a Mindanaoan like the President, we share the same sentiment and aspiration that the Bangsamoro region one day be liberated from insurgencies that caused nothing else but generations of misery, poverty, and deaths,” ani Sangcopan.

Samantala, sa usapin ng pagpapalawig sa transition period sa Bangsamoro Autonomous Region in Muslim Mindanao (BARMM), bagama’t hindi aniya nabanggit ng pangulo ay nangangahulugang ipinauubaya na nito sa Kongreso ang usaping ito.

“I must admit that I am among those who waited for what is the President’s statement on the resetting of election in the BARMM. The absence of it, however, for me, signifies that the president is leaving it up to Congress to decide the fate of the extension of the transition period. As legislators, it is incumbent upon us that we first exhaust all means to understand the need of the extension before we pass judgment,” giit pa ni Sangcopan. (CESAR BARQUILLA)

Read More

COVID-19 CASES SA NCR TUMAAS PA

0

PATULOY sa pag-akyat ang bilang ng mga naitatalong kaso ng COVID-19 sa National Capital Region (NCR).

Ngayong linggo ay umakyat sa 47% ang mga naitalang kaso na mas mataas kumpara noong nakalipas na linggo.

Sa press briefing sa Malacanang, kinumpirma ni Department of Health (DOH) Secretary Francisco Duque III ang pag-akyat ng kaso.

“Dito sa NCR, tumaas tayo ng mga 47% itong linggong ito compared doon sa nakaraang linggo,” ayon kay Duque.

Sinabi ni Duque na nakapagtala ang Metro Manila ng mahigit 900 bagong kaso ng impeksiyon kada araw sa nakalipas na linggo.
Kaugnay nito, hinikayat ng kalihim ang mga lokal na pamahalaan na magkaroon ng mas agresibong case finding, testing, at contact tracing, upang mapigilan ang COVID-19 transmission.

Kaugnay nito, pabor ang DOH sa rekomendasyon ng OCTA Research group na magpatupad ng 2 linggong lockdown bilang circuit breaking measure, anticipatory at preventive measure lalo na’t

nakararanas na ulit ngayon ng surge ng COVID-19 ang Metro Manila at ilang lugar sa bansa bunsod ng Delta variant.

Patuloy naman ang ugnayan ng ahensya sa mga Local Government Unit (LGU) dahil sila ang maituturing na ‘man on the ground’ na mas nakakaalam ng tunay na sitwasyon sa mga komunidad.

Ilan sa mga hakbang na pinaigting ngayon ang pagtukoy sa active cases, efficient contact tracing at testing.

Gayundin ang Prevent-Detect-Isolate-Treat-Reintegrate (PDITR) strategy at tuloy-tuloy na pagbabakuna na garantisadong magbibigay proteksyon sa mamamayan. (RENE CRISOSTOMO)

Read More

ARMORED VAN, CLOSE VAN NAGBANGGAAN

0

SUMABOG ang unahang gulong ng armored van na naging dahilan upang sumalpok ito sa isang closed van sa Pandacan, Manila noong Lunes ng gabi.

Nagkaayos din ang driver ng Philippine Army Armored vehicle at ang driver ng aluminum closed van

Batay sa ulat ng Manila District Traffic Enforcement Unit, bandang alas-11:45 ng gabi nang mangyari ang insidente sa north bound lane ng Mabini Bridge sa Pandacan.

Nabatid sa imbestigasyon ng pulisya, kapwa binabagtas ng dalawang sasakyan ang northward lane ng Mabini bridge, Pandacan, nang sumabog ang kanang harapang gulong ng armored vehicle.

Bunsod nito, nawalan ng kontrol ang driver hanggang sa bumangga sa kaliwang bahagi ng closed van na nasa kanyang harapan.

Ayon sa ulat ng pulisya, nagkasundo ang magkabilang panig na ayusin na lamang ang pinsala ng closed van. (RENE CRISOSTOMO)

Read More

‘ADIK’ NA POLICE COLONEL SINIBAK

0

LAGUNA – Sinibak sa serbisyo ang isang police colonel nang magpositibo sa isinagawang random drug testing ng Police Regional Office Calabarzon noong Mayo 19, 2021.

Ayon kay Calabarzon Police Regional Director Brig. Gen. Eliseo DC Cruz, bagong lipat lamang sa PRO4-A si P/Lt. Col. Marlou Dumagat Besona nang magpositibo ito sa ilegal na droga.

Agad nagsagawa ng administrative proceedings kay Besona at napatunayang guilty sa paggamit ng ilegal na droga na nagresulta sa hatol na ‘dismissal from the service.’

Hindi na naghain ng motion for reconsideration si Besona kaya epektibo na ang pagkakasibak niya sa serbisyo simula noong Hulyo 12, 2021.

Matatandaan, iniutos ni Philippine National Police chief, Gen. Guillermo Eleazar ang maigting na pagpapatupad ng “Intensified Cleanliness Policy” sa hanay ng pulisya. (CYRILL QUILO)

Read More

GINANG NA SOLO SA BAHAY, PINATAY

0

QUEZON – Patay ang isang 52-anyos na ginang matapos na tadtarin ng saksak sa loob mismo ng kanyang bahay sa bulubunduking barangay sa bayan ng Padre Burgos, sa lalawigang ito.

Noong Lunes ng umaga nang madiskubreng wala nang buhay ang biktimang si Imelda Santos habang nakabulagta sa ibabaw ng cabinet sa loob ng kanyang bahay sa Barangay Yawe.

Tadtad ng mga tama ng saksak sa katawan ang biktima na nagresulta sa agaran nitong pagkamatay.

Hinala ng pulisya, pagnanakaw ang motibo ng suspek na posibleng nakilala ng biktima kaya pinatay ang huli.

Napag-alaman, mag-isang natulog ng nagdaang gabi sa kanilang bahay ang ginang dahil may pinuntahan ang mister at mga anak nito.  Malayo sa mga kapitbahay ang bahay ng pamilya.

Patuloy ang imbestigasyon ng mga awtoridad sa insidente. (NILOU DEL CARMEN)

Read More

SANGKOT SA DROGA NAMATAY SA SELDA

0

CAVITE – Isang preso ang namatay sa Custodial Center ng Bacoor City noong Lunes ng hapon.

Kinilala ang biktimang si Pedro Villatura, 66, nahaharap sa kasong paglabag sa Sec. 5 at 11 ng RA 9165 (Comprehensive Dangerous Drugs Act of 2002).

Ayon sa ulat ni P/SSgt. Edison Fetalcurin ng Bacoor City Police Station, dakong alas-6:50 ng gabi nang nakaramdam ng hirap sa paghinga si Villatura dahilan upang isugod sa Las Piñas General Hospital and Satellite Trauma Center ngunit binawian ng buhay habang nilalapatan ng lunas. (SIGFRED ADSUARA)

Read More

17 DELTA VARIANT NATUKOY SA LAGUNA

0

LAGUNA – Umakyat na sa 17 kaso ng Delta variant ng COVID-19 ang natukoy sa lalawigang ito, ayon sa ulat ng Provincial Health office nitong Martes.

Naitala ang nasabing bilang matapos lumabas ang resulta sa isinagawang genome sequencing makaraan ang halos tatlo hanggang apat na linggong paghihintay.

Hindi na tinukoy kung saang lugar nagmula ang mga pasyenteng nagkasakit.

Sinabi ni Provincial Health Officer Dr. Rene Bagamasbad, nakarekober na ang mga pasyente ngunit isasailalaim pa rin sa swab test para mahanap ang kanilang mga naging close contact.

Samantala, minamadali na ang pagbabakuna sa lungsod ng Calamba upang maabot ang herd immunity.

Ayon kay Calamba City Health Officer Dr. Adelino Labro, target ng lokal na pamahalaan na makapagbakuna ng halos 4,000 indibidwal kada araw alinsunod sa direktiba ng Department of Health

Kaugnay nito, inumpisahan na ang pagbabakuna ng single dose na Jansen (Johnson & Johnson) para sa mga senior citizen at may comorbidities o kabilang sa A2 Priority Group.

Sa huling talaan ng Calabarzon COVID Tracker noong Hulyo 21, mayroon nang kabuuang 1,991,625 indibidwal ang nakakumpleto sa una at ikalawang dose ng bakuna, habang 681,461 senior citizens na ang nabakunahan at 582,268 indibidwala na may comorbidities ang nabakunahan. (CYRILL QUILO)

Read More

Nagpaputok nang sitahin 2 VANDALS NA NPA NAPATAY NG PNP-PRO5 *1 pang CTG nabitag

0

NAPATAY ng mga tauhan ng PNP-Police Regional Office 5 ang dalawang hinihinalang mga miyembro ng New People’s Army (NPA) nang paputukan ng mga rebelde ang mga awtoridad makaraang sitahin sa pagsusulat ng “DUTERTE IBAGS” sa pader sa Brgy. Lower Binogsacan, Guinobatan, Albay noong Lunes.

Ayon kay PNP-PRO5 Regional Director Jonnel C. Estomo, bahagi ng pagsisikap ng PNP na matiyak ang kaligtasan na mga Bicolano sa pagsasagawa ng police and mobile visibility sa buong sulok ng rehiyon.

Dahil naka-full alert ang buong PNP kaugnay sa huling State of the Nation Address ni Pangulong Rodrigo Roa Duterte, puspusan ang security patrol ng pinagsanib na pwersa ng 1st Albay PMFC; Guinobatan MPS; CIDG Albay PFU; RMFB5; RIU5; Albay PIU; 93rd SAC SAF; RSOU5, at maging ang mga kawani ng 97TH MICO PA; 49TH 1B, 9th ID, Philippine Army, at 2nd Albay PMFC sa nabanggit na lugar.

Ayon sa ulat, nangyari ang sagupaan dakong alas-1:00 ng madaling araw noong Hulyo 26, 2021 sa pagitan ng dalawang hindi kilalang lalaki at mga pulis sa Brgy. Lower Binogsacan, sa bayan ng Guinobatan.

Sa isinumiteng ulat ng Albay Police Provincial Office, sa pamumuno ni P/Col. Arnold C. Santiago, Provincial Director, kay P/BGen. Estomo, habang nagpapatrolya at nagsasagawa ng Oplan Sita ay namataan ng mga operatiba ang mga lalaking nagbabandalismo at nagpipinta ng mga katagang “DUTERTE IBAGS” gamit ang pulang spray paint sa kongkretong barandillo malapit sa Banao Bridge ng naturang bayan.

Nagulantang ang mga ito nang maaninag ang paparating na pwersa ng gobyerno at nagpaputok sa direksyon ng mga awtoridad. Bunsod nito, tinamaan ng dalawang beses ang sasakyang pangpatrolya ng PNP.

Dahil sa posibleng panganib, napilitang gumanti ng putok ang mga operatiba na nagresulta sa pagkamatay ng dalawang suspek.

Narekober sa pinangyarihan ng insidente ang isang kalibre .45, isang kalibre .38 revolver, isang motorsiklong walang plaka, at iba’t ibang mga bala.

“Katulad ng aking mga naunang sinabi, ang PNP Bicol ay 24-oras na nakamatyag at nakabantay sa ating pamayanan. Ano mang oras at panahon, nakahanda ang kapulisan na umagapay at magbigay serbisyo upang mapigilan ang paglaganap ng kriminalidad sa ating pamayanan,” ayon kay P/BGen. Estomo.

Samantala, arestado sa ikinasang law enforcement operation ng PNP-Police Regional Office 5 ang isang aktibong miyembro ng New People’s Army (NPA) sa bisa ng warrant of arrest noong Lunes ng umaga sa Sitio Patag, Brgy. Buenavista, San Fernando, Masbate.

Nadakip ang suspek na kinilalang si si Pio Cardeño y Canale, alyas “Hapon,” 38, residente ng nabanggit na lugar, sa kasong multiple attempted murder, sa inihaing warrant of arrest na inisyu ng RTC Branch 50, Fifth Judicial Region, San Jacinto, Masbate noong Pebrero 23, 2021.

Inirekomenda ng korte ang pyansang P120,000 para sa pansamantalang paglaya ni Cardeño.

Si Cardeño ay miyembro umano ng Sangay ng Partido Lokalidad (SPL) sa ilalim ng Militia ng Bayan, Larangan 1, Komite ng Partido, Bicol Regional Party Committee.

Sinasabing kabilang si Cardeño sa 19 na itinuturong mga suspek sa pananambang at pagpapasabog gamit ang improvised explosive device (IED), sa mga kawani ng Bravo Company, 2nd IB, 9th ID, Philippine Army noong Hunyo 2, 2019 sa Sitio Kawayan, Brgy. Cañelas, San Fernando, Masbate habang nagsasagawa ng foot patrol at barangay visitation.

Nagresulta ang nasabing pag-atake ng mga rebelde sa matinding pagkasugat ng dalawang sundalo.

Kaugnay nito, pinuri ni P/BGen. Estomo, Regional Director ng PNP-PRO5, ang pagpupursige ng PNP Bicol upang arestuhin at dalhin sa hukuman ang mga may nagawang pagkakasala sa batas katulad ng nasabing suspek.

“Kasabay ng ating pagnanais na gawing mas ligtas ang ating pamayanan ay ang mas pinaigting na programa at aktibidad ng PNP Bicol katuwang ang Philippine Army upang tuluyan nang lipunin ang mga masasamang loob at pigilan ang iba pang mga opensibang paglulunsad nito na maaaring magdulot ng matinding panganib sa pangkalahatang kaligtasan ng ating mamamayan. Kami ay hindi papatinag, kasama ang komunidad at stakeholders, itutuloy natin ang ating mga nasimulan para sa isang mas mapayapa at maunlad na komunidad,” pahayag ni RD Estomo. (JESSE KABEL)

Read More