BIYAHERO MULA NORTH AMERICA PINALULUWAGAN

0

WELCOME kay Presidential Adviser for Entrepreneurship Joey Concepcion ang pag-alis sa mandatory quarantine mula “green” countries.

Subalit, umaasa si Concepcion na pagbibigyan ng Inter-Agency Task Force for the Management of Emerging Diseases (IATF-EID) ang lesser restrictions para sa mga byahero mula North America kabilang na ang United States, Canada, at Mexico.

Aniya, ang pag-lift sa mandatory quarantine ay makababawas sa gastusin ng mga byahero at makatutulong na muling buhayin ang sektor ng turismo.

Gayunman, hindi naman ito sapat para tulungan ang airlines at tourism enterprises na makabawi lalo pa’t hindi naman popular destination ang Pilipinas para sa mga bansang nasa green list na kinabibilangan ng Algeria, American Samoa, Bhutan, Burkina Faso, Cameroon, Cayman Islands, Chad, China, Comoros, Congo, Cook Islands, Eritrea, Falkland Island, Gibraltar, Hong Kong, Kiribati, Madagascar, Mali, Marshall Islands, Micronesia, Montserrat, Nauru, New Zealand, Nicaragua, Niger, Niue, North Korea, Northern Mariana Islands, Palau, Poland, Saba, Saint Helena, Saint Pierre and Miquelon, Samoa, Sierra Leone, Sint Eustasius, Solomon Islands, Sudan, Syria, Taiwan, Tajikistan, Tanzania, Tokelau, Tonga, Turkmenistan, Tuvalu, Uzbekistan, Vanuatu, at Yemen.

“We’ve requested that they include countries in North America, Canada, and some European countries. Because what we see, Thailand and Singapore are starting to open up and redefining these country levels, allowing America. So, I feel that hopefully we hope to move towards that level,” ayon kay Concepcion.

Aniya pa, tamang-tama na sa pagdating ng Christmas season ay maraming mga Filipino sa North America at Europa ang nais umuwi ng bansa. (CHRISTIAN DALE)

Read More

PAGLABAS NG MINORS LIMITADO PA RIN

0

MAGLALABAS ng paglilinaw ang Inter-Agency Task Force (IATF) ngayong araw hinggil sa paglabas ng mga kabataan sa ilalim ng Alert Level 3 sa Kalakhang Maynila.

Ani Metropolitan Manila Development Authority (MMDA) chairman Benhur Abalos, “Local governments only have a say in the interzonal and intrazonal travel of children,” na ang tinutukoy ay ang IATF resolution.

Matatandaang pinagbawalan ng pamahalaan ang mga kabataan na lumabas ng kanilang bahay dahil sa paniniwala ng mga eksperto na maaari silang maging  “superspreaders.”
Pinayagan naman ng pamahalaan ang limited in-person classes at sinimulan na rin ang COVID-19 vaccination sa mga menor de edad na may comorbidities.

Nauna rito, sinabi ni San Juan City Mayor Francis Zamora na magpapalabas “very soon ang MM mayors ng isang resolusyon na bibigyang linaw ang guidelines ng IATF ukol sa pagpayag na palabasin ang mga kabataan sa kanilang bahay.

Ang mga kabataan na may edad 17 pababa ay pinapayagan na lumabas ng bahay para bumili ng pagkain at gamot, bisitahin ang kanilang doktor o dentista, at mag-ehersisyo at makapag-avail ng interzonal at intrazonal travel, ayon sa IATF resolution.

“Pangalawa, kung sila po ay nagtatrabaho, meaning if there’s any employment status that allows their age,” ani Zamora.

“Para mas maging malinaw, maglalabas ng pormal na resolution ang MMC (Metro Manila Council) very soon because last time, nagkaroon na nga ho ng kasunduan,” ani Zamora.
Mananatili namang bawal ang mga kabataan sa malls at dine-in services.

Samantala, mahigit 1,000 kabataan na may edad 15 hanggang 17 ang nabakunahan na bilang bahagi ng pilot pediatric vaccination, ayon sa National Task Force (NTF) Against COVID-19.

Sinimulan ng pamahalaan ang rollout sa 8 ospital sa iba’t ibang bahagi ng Kalakhang Maynila noong Oktubre 15, gamit ang Pfizer-BioNTech vaccine, isa sa mga bakunang inaprubahan ng Food and Drug Administration para sa mga kabataang edad 12 hanggang 17. (CHRISTIAN DALE)

Read More

NO. 6 MOST WANTED SA MALABON, ARESTADO

0

SWAK sa selda ang isang top 6 most wanted person sa Malabon City, makaraang maaresto ng mga tauhan ng Manila Police District sa Brgy. Dipintin sa bayan ng Maddela, lalawigan ng Quirino noong Sabado ng hapon.

Kinilala ni Manila Police District Director, P/Brigadier General Leo “Paco” Francisco ang suspek na si Christian Andres y Espiritu, 31, farmer, binata at residente ng Francisco St., Brgy. 590, Sta. Mesa, Manila.

Batay sa ulat ni P/Major Cicero Pura, hepe ng District Special Operation Unit ng MPD, humingi ng tulong ang mga tauhan ng Malabon Police District, sa pangunguna ni P/Cpt. Emmark Dave Apostol ng MDIT-RIU NCR, matapos madiskubreng naglulungga si Andres sa nasabing lalawigan

Dahil dito, nakipagkoordina ang MPD sa Maddela PNP, sa pamumuno ni P/Lt. Col. Walter Pasicolan, at saka nila tinungo ang lugar at inaresto ang suspek sa bisa ng arrest warrant na inisyu ni Hon. Zaldy Balagat Docena ng Regional Trial Court Br. 179 ng Malabon, sa kasong murder. (RENE CRISOSTOMO)

Read More

5% TAX DISCOUNT SA QC BUSINESSMEN – DEFENSOR

0

BIBIGYAN ng limang porsyentong discount ang mga negosyante sa Quezon City kapag naupo na bilang mayor ng lungsod si Anakalusugan Party-list Rep. Mike Defensor, upang kunin muli ng mga ito ang kanilang mga empleyado na tinanggal sa trabaho matapos silang maapektuhan sa pandemya sa COVID-19.

Ayon kay Defensor, aabot sa 74,750 enterprises na nag-o-operate sa Quezon City ang makikinabang sa 5% discount sa kanilang local business tax na kada taon nilang binabayaran.

“The tax discount is just one of our highly aggressive strategies to swiftly revive all employment-generating economic activities in the city to their pre-pandemic levels,” ani Defensor.

“We are counting on the discount to help businesses, especially small and medium enterprises with less than 200 workers, get back on their feet,” dagdag pa ng mambabatas.

Sinabi ng mambabatas, aabot sa P625 million ang ibabalik sa mga negosyante lalo na ang single proprietorship shops sa 5% na discount na ibibigay niya sa mga ito na malaking tulong aniya para makabangon at ibalik ng mga ito ang kanilang empleyado na tinanggal sa trabaho.

Noong 2020, umabot P12.5 billion na nakolekta ng Quezon City na local business tax kaya maliit na halaga lamang umano ang ibibigay na discount para makabangon ang mga negosyante sa lungsod.

Si Defensor ay tatakbo bilang mayor ng lungsod sa 2022 kung saan running mate nito si three-term representative at ngayon ay Councilor Winnie Castelo.

“To energize household consumption spending, we will also provide P3 billion worth of direct financial aid to the jobless, informal workers, health staff, teachers, police officers, and public-sector employees,” dagdag pa ng mambabatas.

Bahagi ang P3 billion na ito sa P17 billion economic roadmap ng administrasyon ni Defensor na kinabibilangan ng P5 billion insentibo sa mga negosyo at P9 billion para sa mga local infrastructure spending na makatutulong para magkaroon ng dagdag na trabaho at kabuhayan ng low-income families sa lungsod. (BERNARD TAGUINOD)

Read More

LALAKI TINARAKAN, IPINAANOD NG KAINUMAN

0

BATANGAS – Patay ang isang 29-anyos na lalaki matapos saksakin ng kanyang kainuman at itapon sa ilog sa Sto.  Tomas City sa lalawigang ito, noong Biyernes ng gabi.

Ayon sa ulat, umaga noong Sabado nang madiskubre ang bangkay ng biktimang si Alvin Maraquilla na lumutang sa ilog sa boundary ng Barangay San Vicente at San Roque sa nasabing syudad.

Ayon sa Sto. Tomas Police, nangyari ang pananaksak sa Barangay Sta. Maria kung saan nag-inuman at biktima at ang suspek na si Ariel Almarez, 26, residente ng Biñan.

Nang matapos ang inuman ay nagpasya ang biktima na ihatid ang suspek sa bahay nito. Ngunit nang nasa madilim na bahagi na ay bigla na lamang sinaksak ng suspek ang biktima.

Kinabitan ito ng bato at saka inihulog sa ilog para maitago ang krimen ngunit nadiskubre ang insidente.

Kusang-loob namang sumuko sa pulisya ang suspek. (NILOU DEL CARMEN)

Read More

P1.6-B SHABU NASAMSAM SA LIVE-IN PARTNERS

0

CAVITE – Tinatayang P1.656 bilyong halaga ng hinihinalang shabu ang nasamsam makaraang maaresto ang live-in partners sa buy-bust operation sa parking lot ng isang kilalang restaurant sa Dasmariñas City noong Sabado ng hapon.

Kinilala ang mga arestadong sina Wilfredo Blanco Jr., 37, at Megan Lemon Pedroro, 38, kapwa residente ng Kasiglahan Village, Montalban, Rizal.

Ayon sa ulat, dakong alas-3:30 noong Sabado ng hapon, nagsagawa ng buy-bust operation ang mga operatiba ng PDEA 4A, PDEA IIS, PDEA SES, PDEA NCR, AFP TF NOAH, NICA, PDEG-RONCR, BOC, RID-NCRPO, PDEG SOU4, Cavite PPO at Dasmariñas CPS sa parking lot ng Max’s Restaurant sa Brgy. Salitran 2, Aguinaldo Highway, Dasmariñas City kung saan nakipagtransaksiyon ang poseur buyer sa mga suspek.

Nabatid na ilang kilo lang sana ang transaksyon ng mga awtoridad sa mga suspek ngunit tumambad sa kanila ang bulto-bultong hinihinalang shabu sa loob ng isang puting Toyota Hi Ace van na walang plaka.

Nakumpiska sa mga suspek ang tinatayang 240 kilograms ng hinihinalang shabu na may street value na P1.656 bilyon. (SIGFRED ADSUARA)

Read More

2 PULIS-NAGA PATAY, SUSPEK NAPATAY RIN

0

MASUSING iniimbestigahan ng PNP Bicol ang hinggil sa insidente ng pamamaril na ikinamatay ng dalawang pulis sa hot pursuit operation noong Sabado ng gabi sa Naga City.

Ayon sa inisyal na imbestigasyon ng Naga City Police Office (NCPO), nangyari ang insidente dakong 6:30 ng gabi sa Caceres St. sa Naga City ikinamatay ng biktimang kinilalang si P/CMS Romeo B. Padua na kasalukuyang nakatalaga sa Police Station 1, NCPO.

Inihayag ng nakasaksi, nagsasagawa ng police visibility patrol si P/CMS Padua sa lugar nang bigla umanong lumapit ang suspek at pinukpok ang biktima ng metal pipe sa ulo na naging dahilan ng pagkawala ng malay nito.

Habang nakahandusay ang biktima sa kalsada, patuloy pang inundayan ng suspek ng palo ng tubo ang biktima hanggang makuha ang baril nito at pinaputukan sa ulo ang pulis at mabilis na tumakbo papalayo.

Ang suspek ay kinilalang si Jericho Cano y Verdejo, nasa hustong gulang, pedicab driver at residente ng Zone 3, Spokoi, Sabang, Naga City.

Agad namang nagresponde ang mga kasamahan ni PCMS Padua, hinabol ng mga ito ang suspek at nakorner malapit sa kanyang tirahan.

Pinakiusapan ng mga pulis ang suspek na sumuko ngunit nagmatigas ito at pinaputukan ang tropa na naging sanhi ng pagkamatay ni P/Cpl. Christian J. Del Valle, 34-anyos, nakatalaga sa Police Station 5, NCPO at residente ng Brgy. Tuburan, Ligao, Albay.

Napatay rin ang suspek sa nasabing hot pursuit operation. Kinumpirma naman ng pamilya ng suspek na sa nakalipas na mga araw, madalas ay wala ito sa sarili. Kabilang din umano ito sa drug watchlist ng barangay at nagpabalik-balik na rin sa kulungan dahil sa kasong pagnanakaw.

Ipinaabot naman ni P/BGen. Jonnel C. Estomo, RD, PRO5 ang pakikiramay sa mga naulilang pamilya ng mga napatay na pulis. Tiniyak ni RD Estomo ang pagpapaabot ng tulong at pag-agapay para sa mga ito. (JESSE KABEL)

Read More

RAPPLER TUMIKLOP NANG MABISTO SA PANDARAYA NG SURVEY VS BBM

0

TINANGGAL ng Rappler ang presidential survey nito sa Facebook matapos magalit ang netizens dahil natuklasan ang ginagawang pandaraya sa naturang survey kay Partido Federal ng Pilipinas standard-bearer Fedinand ‘Bongbong’ Marcos Jr.

Humingi ng paumanhin ang Rappler at nagpaliwanag na tinanggal ang survey dahil hindi umano ito ayon sa kanilang layunin.

Ngunit inulan pa rin ng batikos sa mga vloggers ang media outfit dahil sa pagtangka nitong linlangin ang publiko.

“Hindi kinaya ng sistema ninyo, hindi kinaya ng program niyo, Facebook and Rappler, kung tinambakan man nila agad si Leni ng 100k o 150k para mahirapan si BBM. Epic fail,” pahayag ni vlogger Maui Becker, na kilala rin bilang si Princess Maui.

Naghinala din si Princess Maui na inabuso ng Rappler ang awtoridad nito bilang administrador ng Facebook Philippines, para  i-access ang troll accounts at mga inactive accounts matapos makita na ang mga nag-heart ay pawang mga Arabo, Pakistani, walang profile picture, o mga fake accounts.

Samantala, iginiit naman ni vlogger Chika-Doro na isang tangkang pananabotahe ang survey dahil tila naka-auto heart ang post kaya ang shocked emoji na pinindot niya ay napalitan ng heart.

“Itong survey na ginawa ng Rappler ay real sabotage. Survey pa lang ito, pinagpapractice-an na po tayo na dayain, dayain ang boto ng mga Pilipino. Grabe na tong Rappler,” aniya.

“Nakakalungkot isipin na niloloko na naman tayo nitong biased press, biased media na ito,” ayon naman sa isa ring vlogger na si Kasangga Jay.

Noong Oktubre 7, nagpost sa Facebook ang Rappler ng isang survey para makita kung sino ang gusto ng netizens na ihalal bilang pangulo sa halalan sa Mayo 2022.

Para maipakita kung sino ang nais nilang iboto, iki-click ng netizen ang kaukulang emoji na nakatakda doon sa limang presidential aspirants na kasama sa pagpipilian.

Ngunit nabisto na may daya rito nang napansin ng isang netizen na hindi nagta-tally sa listahan ng mga Facebook users na sumagot sa survey ang kabuuang bilang ng clicks sa emoji para kay Marcos. (SAKSI NGAYON NEWS TEAM)

Read More

WORLD TITLE DEDEPENSAHAN NI YULO

0

PUNTIRYA ni 2020 +1 Tokyo Olympian Carlos Yulo na mapanatili ang kanyang paghahari sa floor exercise sa 50th FIG Artistic Gymnastics World Championships.

Nasa Kitakyushu, Japan si Yulo at puspusang naghahanda sa naturang torneo na gaganapin ang qualification round at all-around apparatus finals sa Oktubre 18-24.

Wagi ang Pinoy gymnast sa floor exercise noong 2019 World Championships sa Germany, kaya asam niya na ma-panatili ang kanyang titulo.

Matapos ang kabiguan sa nakaraang Tokyo Games, agad bumawi si Yulo noong nakaraang buwan at nakapagbulsa ng isang ginto at isang tansong medalya sa 2021 All Japan Senior and Masters Gymnastics Championships sa Yamagata, Japan.

Naka-gold siya sa paborito niyang floor ­exercise nang magtala ng 15.300 score, at bronze sa vault event makaraang makakuha ng 15.000 score. (ANN ENCARNACION)

Read More