Ni ANN ENCARNACION
TARGET nina James Aranas at Johann Chua ang all-Filipino finals sa Asian 9-Ball Championships sa Singapore.
Tinalo ni Aranas ang kababayang si Lauro Bongay, 11-2, para makasalubong ang Japanese star na si Naoyuki Oi sa semis.
Si SEA Games champion Chua ang unang nakarating sa final four matapos talunin si Robbie Capito, isang Pinoy na kumakatawan sa Hongkong, 11-10.
Sunod na makakalaban ni Chua si world multi-titlist Ko Pin Yi ng Chinese Taipei.
Samantala, tinanggal ni Cheska Centeno ang kababayang si Rubilen Amit sa quarterfinals ng Asian Women’s 9-Ball Linggo sa Singapore.
Nakuha ng 23-anyos na si Centeno ang 9-6 victory laban sa beteranong teammate para makaabot sa semifinal round ng world ranking tournament.
Yumuko si Centeno sa Singaporean na si Jessica Tan (6-7), ngunit bumawi kina Fatrah Matsum ng Indonesia (7-1), Lee Wojin ng Korea (7-3) at Suvene Ng ng Singapore (9-3) sa Round of 32.
Sa kabilang banda, lumuhod si Amit kay Indonesian Yu Anran (5-7) sa kanyang unang laban ngunit nanatiling buhay sa dominanteng pagwawagi kontra Vietnamese Huynh Thi Ngoc Huyen (7-2), Taiwanese Lu Yi Hsuan (7-1) at Japanese Yuki Hiraguchi (9-3).
178
