MAGKAKAROON ng power interruption sa ilang bahagi ng Parañaque City dahil sa line reconstruction works ng Manila Electric Company (Meralco) sa kahabaan ng Diosdado Macapagal Avenue, Aseana Business Park, Baclaran ngayong Setyembre 18 at 19.

Ayon sa anunsyo ng Parañaque Public Information Office (PIO), apektado ang bahagi ng circuit Aseana 415ASE, circuit PAGCOR 415PAG at Aseana 413ASE. Pinayuhan ang publiko na mag-charge ng cellphone at power bank bago ang nakatakdang brownout.

Makikita sa post ng Parañaque Public Information Office (PIO) ang mga lugar na maaapektuhan ng pagkawala ng kuryente.

Sa Setyembre 18 (11:30 p.m. – 11:59 p.m.) at Setyembre 19 (5:00 a.m. – 5:30 a.m.): apektado ang Macapagal Ave. mula Brandco Ave. hanggang Aseana 3, Mindpark Mercer Tower, Starbucks Coffee (Aseana Business Park)

Setyembre 18 (11:30 p.m.) hanggang Setyembre 19 (5:30 a.m.): Macapagal Ave. hanggang Saint John Paul II Chapel, East Ocean Palace Restaurant, Hop Inn, Emgrand SPs, Honda Aseana (Aseana Business Park), Shakey’s Pizza (Aseana Square), Copeton Baysuites, Ayala Malls, Manila Bay, Seda Hotel (Aseana Ave.), L. Celerio St. mula D. De Leon hanggang Sequoia Hotel, Jia Xing Building, The Centrium Tower 2, MMA Land at Bay Prime Hotel (Aseana City).

(CHAI JULIAN)