BATANGAS – Humantong sa trahedya ang masaya sanang outing ng isang magkakapamilya nang malunod ang limang batang kasama nila sa paliligo sa Taal lake sa Brgy. Sala sa bayan ng Balete sa lalawigang ito, noong Martes ng tanghali.

Ayon sa ulat, dakong alas-5:00 noong Martes ng hapon nang marekober ang dalawa sa mga biktima na sina Sherin Ashtrid at Jacutan Ashtrid.

Patuloy naman ang iba’t ibang rescue teams sa search and rescue operations sa tatlo pang nawawala.

Ayon sa Balete PNP, una na silang nag-abiso na bawal maligo sa bahagi ng Taal Lake kung saan nalunod ang mga bata dahil malalim ito. (NILOU DEL CARMEN)