CAVITE – Hindi umabot nang buhay sa ospital ang isang lalaki nang masagasaan ng isang babaeng driver ng isang Toyota Fortuner habang tumatawid sa bayan ng Silang noong Lunes ng hapon.

Isinugod pa sa Carsigma Hospital ang biktimang si John Cyrus Catarungan y Pugoy subalit idineklarang dead on arrival dahil sa malalang sugat sa ulo at katawan.

Kinilala naman ang driver ng Toyota Fortuner na may plakang NHM 52433, na si alyas “Nina”.

Ayon sa ulat, dakong alas-5:30 ng hapon nang mangyari ang insidente habang minamaneho ng suspek ang kanyang sasakyan at binabagtas ang Barangay Road sa Brgy. Acacia, Silang Cavite.

Tumatawid naman sa nasabing lugar ang biktima nang bigla umano itong tumakbo.

Tinangka ng driver r na iwasan ang biktima subalit nahagip pa rin ito. (SIGFRED ADSUARA)