(NI FRANCIS SORIANO)

MALOLOS. Bulacan — Kasabay ng mga ulat na patuloy na nasa kritikal na level ang Bustos Dam ay sinimulan na nito ang pamamahagi ng patubig para sa irrigation para sa magsasaka sa lalawigan.

Ayon kay Josephine Salazar, regional director ng National Irrigation Administration (NIA), simula pa noong nakaraan Martes (July 16) ay namahagi na umano sila ng patubig para sa mga magsasaka para sa supply ng tubig sa irigasyon.

Gayunman, nilinaw nito na ang pamamahagi ng patubigan sa mga magsasaka sa lalawigan ng Bulacan ay base lamang sa available local flow ng Angat River system at hindi mismo sa Angat Dam.

“Angat Dam only releases water allocation for irrigation purposes when its water elevation is at its minimum operating level of 180 meters and above. When the dam’s water elevation reaches its 180-meter level the allocation for irrigation purposes is usually cut off depending on the discretion of the National Water Resources Board,” sabi ni Salazar.