PARA kina NBA superstars LeBron James at Stephen Curry madilim ang naging pasok ng 2020. Na matapos ang tragic death ni Kobe Bryant, sinundan ito ng season shut down bunga ng pag-atake ng COVID-19.
Nitong Huwebes (Manila time) nagdesisyon ang NBA na itigil muna ang season kasunod ng pag-positibo ng dalawang manlalaro nito sa virus.
Bago ang coronavirus outbreak, magkasunod na kamatayan ang bumalot sa liga. Una’y ang pagkamatay ni former NBA commissioner David Stern (Enero 1, 2020) at Bryant at anak na si Gianna at pitong iba pa sa helicopter crash noong Enero 26.
“Man, we cancelling sporting events, school, office work, etc. etc. What we really need to cancel is 2020! Damn it’s been a rough 3 months. God bless and stay safe,” tweet ni Lakers star James bilang reaksyon sa NBA shutdown.
Tweet naman ni Curry: “2020 aint it. “Don’t know what to compare this situation to… just gotta buckle up and take care of yourself and those around you. Basketball will be back at some point but right now, protect yourself and stay safe out there!”
Maging si Slovenian guard Luka Doncic ng Dallas ay naglahad din ng saloobin sa socmed: “2020 is being very bad year!! stay safe folks.”
“These are scary times,” mula naman kay Charlotte Hornets coach James Borrego.
Ang Milwaukee ay hawak ang NBA’s best record bago ang shut down (53-12), habang hawak ng Lakers ang Western Conference record (49-14) at may nalalabi pang 19 regular season games. Ang Golden State Warriors naman ang may NBA’s worst record na 15-50 at hindi pa nakakalaro si Curry bunga ng injury. (VT ROMANO)
276 
