NAGHARAP sina Secretary of National Defense Gilberto C. Teodoro, Jr. at Ms. Mirjana Spoljaric, presidente ng International Committee of the Red Cross (ICRC), para sa isang high level dialogue bago ito nakipagkita kay Pangulong Ferdinand “Bongbong” Marcos Jr. sa Malacañang.
Layunin ng courtesy call ni Ms. Mirjana Spoljaric sa pagbisita nito sa Pilipinas na mas mapalalim pa ang kanilang high-level humanitarian dialogue sa pagitan ng ICRC at ng Philippine government, at pagtibayin ang kanilang shared commitment sa pagtugon sa namumuong humanitarian challenges sa bansa.
Inihayag naman ni Secretary Teodoro ang pagkilala ng Tanggulang Pambansa para sa ICRC bilang mahalagang kaagapay ng Philippine government sa pagsusulong ng humanitarian work at binigyang-diin na ang pangangalaga sa hanay ng mga sibilyan ay pangunahing prayoridad sa gitna ng mga naglalabasang security concerns.
Binanggit ng dalawang leaders ang kahalagahan ng pagkilala sa international humanitarian law at kasabay ng pahayag na palakasin pa ang kooperasyon sa humanitarian operations and engagements.
Una rito, nagsilbing host ang Armed Forces of the Philippines sa ICRC president para sa Strategic Humanitarian Dialogue.
Tinanggap ni Deputy Chief of Staff of the Armed Forces of the Philippines (TDCSAFP), Lieutenant General Rommel P. Roldan, si Ms. Mirjana Spoljaric, pangulo ng International Committee of the Red Cross (ICRC), sa courtesy visit noong Agosto 19.
Binigyang-pagkilala naman ni AFP Lt. General Roldan ang pagsisikap ng ICRC na magbigay ng tuloy-tuloy na tulong sa humanitarian work sa Pilipinas.
“The visit also provided an opportunity to strengthen mutual understanding and enhance ongoing efforts in humanitarian engagement, including field operations, dialogue on international humanitarian law, and training programs for AFP personnel.”
“The meeting underscores the continued partnership between the AFP and the ICRC in promoting international humanitarian law (IHL) and ensuring that humanitarian principles are respected in all military operations,” pahayag ni Roldan.
(JESSE RUIZ)
88 
