INAASAHANG mas lalakas pa ang kampanya at serbisyo kontra human immunodeficiency virus (HIV).

Ito’y matapos na magsama-sama ang Department of Health (DOH), mga college student, media, grupo ng Love Yourself, Pilipinas Shell Foundation (PSFI), Sustained Health Initiatives of the Philippines (SHIP), at medical societies tulad ng Pediatric Infectious Disease Society of the Philippines, para paigtingin pa ang laban kontra sa naturang karamdaman.

Ang aktibidad ay ginanap sa Lyceum of Alabang, sa Muntinlupa City.

Isinagawa ito alinsunod sa direktiba ni Pang. Ferdinand R. Marcos Jr. Layunin nitong mas palawakin pa ang access sa tamang edukasyon at serbisyong pangkalusugan tulad ng HIV combination prevention, testing, at treatment para sa mga kabataan sa pamamagitan ng whole of society approach o pagtutulungan ng iba’t ibang sektor ng lipunan.