APAT kakao na kabilang sa mga dumalo sa community pantry ni Angel Locsin kamakailan, ang isinailalim sa libreng COVID-19 testing ng Quezon City.

Ayon kay City Epidemiology and Disease Surveillance Unit (CESU) chief, Dr. Rolando Cruz, tatlo sa apat na nai-book sa swab appointments ng siyudad, ay asymptomatic o walang ipinakitang mga sintomas, habang ang isa ay nakararanas ng ‘headache, loss of smell and loss of taste’.

“Today is the fifth day since Ms. Locsin’s event. The average incubation period for COVID-19 is approximately five days. So, we call on everyone who went to last Friday’s gathering, please report to us and have yourself tested. If there was a transmission and you were exposed, you may observe some symptoms manifesting starting today,” ani Cruz.

Ang apektadong mga residente ay maaaring mag-book ng appointment via online sa http://bit.ly/QCfreetest o sa pamamagitan ng CESU Facebook Page https://www.facebook.com/QCEpidemiologyDiseaseSurveillance/.

Maaari rin silang tumawag sa sumusunod sa QC Contact Tracing Hotlines: 8703-2759, 8703-4398, 0916-122-8628, 0908-639-8086 and 0931-095-7737.

Simula noong Biyernes, ayon kay Cruz, ang CESU, ay may natanggap nang average na 950 swab test requests kada araw, habang 600 per day ang naaprubahan.

“The city screens individuals who can avail of the free swab services so we can allocate our supplies to those who need it most,” ayon pa kay Cruz. (JOEL O. AMONGO)