ARESTADO ng mga operatiba ng District Police Intelligence Operation Unit (DPIOU) ng Manila Police District, ang isang 44-anyos na dating barangay chairman na suspek sa kasong statutory rape sa Quezon province, nang mamataan sa NLEX Tollgate, Tabang Exit north bound noong Martes ng hapon.

Kinilala ang suspek na si alyas “Bryan”, may asawa, residente ng Dasmariñas, Cavite.

Ayon sa ulat ni Police Major Kevin Rey Bautista, hepe ng DPIOU, kay Police Lieutenant Colonel John Guiagui, District Intelligence Division chief, bandang alas-2:05 ng hapon nang arestuhin ang suspek sa naturang lugar.

Ang suspek ay top 3 most wanted person sa Quezon PPO, PRO 4-A dahil sa kasong two counts ng statutory rape.

Inaresto ang suspek sa bisa ng warrant of arrest na inisyu ni Presiding Judge Michaele Vito, ng Regional Trial Court, 4th Judicial Region, Branch 172 ng Gumaca, Quezon.

Isinagawa ang operasyon laban sa suspek sa pakikipagtulungan ni Police Major Hobert Sarmiento, chief of police ng Unisan Municipal Police Station (MPS), Police Provincial Office, sa koordinasyon ng San Miguel Municipal Police Station, sa pangunguna ni Police Captain Mervin Ongcamua ng Intelligence Unit, Bulacan Police Provincial Office.

(RENE CRISOSTOMO)