NAKABILANG sa top scorers ng AFF Suzuki Cup 2020 si naturalized striker Bienvenido Marañon.
Kaya napagkalooban siya ng Golden Boot award kasama nina Chanathip Songkrasin at Teerasil Dangda ng champion Thailand at Safawi Rasid ng Malaysia dahil sa tig-apat nilang goals.
“Happy to be the Top Scorer of @affsuzukicup with @TheAzkalsPH in my first tournament with them. Thanks to my teammates and staff for the help to make this happen,” tweet ni Marañon.
Sa debut game ng Philippine national team sa nasabing torneo, unang umiskor si Marañon sa 7-0 win ng Azkals kontra Timor-Leste. Muli siyang bumida sa panalo ng Azkals kontra Myanmar, 3-2.
At bagama’t bigong mapasama ang Azkals (2-2) sa semifinals berth, kahit paano ay hindi umuwing luhaan team dahil sa individual award ni Marañon. (ANN ENCARNACION)
126
