PINAGTAWANAN  at binanatan ni Gretchen Barretto ang post ng pamangking si Julia na dumepensa sa ina nitong si Marjorie. Kamakalawa ng gabi, sunud-sunod ang post ni Gretchen sa IG Stories ng screenshots ng post ni Julia at ang mga kontra-banat niya rito.

“Hilarious” ang description niya sa post. Sinabi kasi ni Julia na marami ang naiinggit sa inang si Marjorie “because you live a good life with 5 strong successful well raised children.” Sabi ni Gretchen, “Your version of truth (crying laughing emoji).”

Pinaalala rin niya kay Julia na Baldivia ang apelyido niya (tatay ni Julia si Dennis Padilla na Baldivia ang tunay na apelyido). “First know you are a Baldivia. Love your father. Respect those who gave you a good life. Only then can you say you are successful. Not only when you need him for publicity.” Ni-repost din ni Gretchen ang comments ng netizens na bumabanat sa pagiging “well raised children” umano ng mga anak ni Marjorie.