SIMULA kahapon opisyal nang nanungkulan ang ilang senior police officers na naapektuhan sa panibagong galawan na ipinatupad sa loob ng Philippine National Police (PNP).
Una nang inaprubahan ni PNP Chief PGen. Dionardo Carlos ang balasahan sa hanay ng top key positions gaya sa Calabarzon at Eastern Visayas regions.
Si Brig. Gen. Antonio Yarra ay nagsimula nang manungkulan bilang bagong Calabarzon regional police chief, kahalili ni Brig. Gen. Eliseo Cruz, na itinalaga naman sa mataas na posisyon bilang deputy director for area police command sa Visayas.
Si dating PNP spokesperson Bernard Banac ay hahalili kay Brig. Gen. Rommel Cabagnot bilang regional director ng Eastern Visayas.
Nakatakda namang palitan ni Brig. Gen. Remus Medina, dating PNP Drug Enforcement Group si Gen. Yarra bilang Quezon City Police District director.
Magpapalitan naman ng puwesto sina directorate for plan chief Maj. Gen. Bartolome Bustamante at Maj. Gen. Walter Castillejos na siyang chief of police community relations.
Itinalaga naman si Maj Gen. Herminio Tadeo bilang director for personnel and records management, kapalit ni retiring Maj. Gen. Rolando Hinanay. (JESSE KABEL)
461 
