MULING nagpalabas ng babala ang Bureau of Customs (BOC) para ipaalam sa publiko ang kaugnay sa mapanlinlang na Facebook page na may pangalang “Bureau of Customs Auction Ph”.

Pinag-iingat ng BOC ang publiko hinggil sa pagkalat ng maling impormasyon kaugnay sa auction sales ng nakum­piskang mga kalakal.

Kaugnay nito, nilinaw ng BOC na ang official Facebook page ng BOC ay “Bureau of Customs PH.”

Anomang anunsyo o updates kaugnay sa kanilang auction sales ay ekslusibong naka-publish sa official BOC website sa customs.gov.ph.

Dahil dito, hinikayat ang publiko na umasa lamang sa impormasyon na makikita sa official website para sa tama at up-to-date details kaugnay sa public auction na isinasagawa ng BOC.

Karagdagan nito, nakatanggap din ng mga ulat ang BOC hinggil sa mga indibidwal na nag-post bilang BOC employees gamit ang fake IDs para makapanlinlang ng stakeholders at general public.

Pinaalalahanan ng BOC ang bawat isa na doblehin ang kanilang pag-iingat at manatiling mapagmatyag laban sa kahina-hinalang social media pages at individuals.
Para sa mapagkakatiwaliang impormasyon, maaaring bisitahin ang customs.gov.ph, ang official website ng Bureau of Customs.

(JOEL O. AMONGO)