NAKAKUHA ng mataas na rating sa idinaos na independent poll survey ang kandidato sa pagka-konsehal sa Minglanilla, Cebu City na si Jyra Mantalaba Lapitan.

Sa kick off campaign ng Team Unity, si Lapitan ay nakakuha ng suporta sa mga residente ng Minglanilla kasunod ng isinagawang motorcades at pag-iikot sa mga lansangan sa nasabing bayan.

Galing sa kilala at iginagalang na pamilya sa lalawigan ng Cebu, ipinangako ni Lapitan sa mga taga-Minglanilla ang kontribusyon nito para mas mapaunlad pa ang bayan at mapangalagaan ang mga residente nito sa pamamagitan ng pag-endorso ng mga kinakailangang batas.

Ibinahagi rin niya na gagawin niya ang lahat para magsilbing inspirasyon sa mga kabataan upang maging maganda ang kanilang kinabukasan.

Palalakasin din niya ang TRIPLE E program sa buong bayan, o ang Education, Employment, and Entertainment Program.

“I am determined to implement a fair system for the distribution of taxes and public funds to the residents of Minglanilla,” ayon pa kay Lapitan.