(Ni LUISA LEIGH NIEZ)

NAKATAKDANG sampahan ng  kasong Conduct Unbecoming  of a gentleman and Officers at Obstruction of Justice si  Quezon City Police District (QCPD)  Director  PCSUPT Joselito Esquivel, Jr. ni  Quezon City Mayoralty Candidate, Congressman Bingbong Crisologo,.

Sa panayam ng  SAKSI Ngayon kay Cong. Crisologo , sinabi nitong hindi niya  palalampasin ang ginawa ni Gen . Esquivel, sa kanya na isang  congressman at kasalukuyang tumatakbong alkalde ng lungsod.

Matatandaan  na noong Linggo ng umaga  ay hindi pinapasok sa loob ng Kampo Karingal  si  Crisologo  kasama ang anak na babae at ina ng napatay na  Brgy. Chairwoman ng Brgy. Silangan na si  Chairwoman  Cresil Beltran, habang  ipinipresenta  ng QCPD ang 4 na suspek .

Samantala, nagpatawag ng press briefing  ang pamilya Beltran noong Linggo ng hapon ilang oras  matapos ang press conference na  ginawa ng Quezon City Police District (QCPD) .

Ayon sa anak na babae ng kapitana na si Winsell, masama  ang kanilang loob  sa QCPD, dahil sa halip na sa kanila ipresenta ang mga suspek ay kay Vice Mayor Joy Belmonte ito iniharap.

Nang tanungin  ang anak kung naniniwala ba siya na yung mga naarestong suspek  ang siyang gumawa ng karumaldumal sa kanilang ina ay sinabi nito na “Wala  kaming pakialam kung sila o hindi ang  pumatay sa nanay namin, ang mahalaga sa amin ay sabihin nila kung ano ang motibo ng krimen at kung sino ang nasa likod nito.

Masamang-masama rin umano ang kanilang loob ng hindi sila papasukin sa loob ng Kampo gayong inimbitahan naman daw sila, at ang labis na ipinagtataka ng kanilang pamilya ay yung sinabi ng mga pulis na order umano ni ma’am na huwag silang papasukin ng kampo.

“Sino ba ang tinuitukoy nilang mam, si Vice Mayor Joy Belmonte ba? Siya lang kasi ang opisyal ng pamahalaan na nasa loob ng kampo nung oras na yun, ” tanong ng anak ni kapitana.

Kaugnay nito ay masama rin ang loob ng 3 witness, dahil ginawa lang daw silang  pang display sa presscon  dahil hindi raw sila pinayagang magsalita.

“Bago pa man  magkaroon ng presscon ay sinabihan na kami ng mga pulis na huwag kaming magsasalita, kaya  naging bulag, pipi at bingi kami ng mga oras na ‘yon” ang sabi ng tatlong witnesses.

Hindi rin umano totoo ang pahayag ni Vice Mayor Joy Belmonte  na binigyan na kami ng ayuda o assistance ng  City Government.