PINULONG na rin ni Pangulong Marcos Jr. ang key officials ng Department of Agriculture pagkatapos niyang pangunahan ang ikalawang cabinet meeting kamakalawa.

Kabilang sa mga napag-usapan sa virtual meeting ang Rice Tariffication Law, kasalukuyang estado ng bigas at livestock production at ang pagtataas sa produksiyon ng high-value commercial crops at iba pa.

Dumalo sa naturang meeting sa hanay ng DA sina Undersecretary Leocadio Sebastian, Undersecretary-designate Kristine Evangelista, Assistant Secretary-designate Engr. Arnel De Mesa at Ms. Imelda Arida, Executive Assistant of Undersecretary Sebastian.

Nasa pulong din sina Executive Secretary Victor Rodriguez, Special Assistant to the President Secretary Antonio Lagdameo Jr. at Presidential Management Staff (PMS) Secretary Maria Zenaida Angping. (CHRISTIAN DALE)