SINIBAK sa puwesto si Palawan Police Provincial Director Col. Dionisio Bartolome upang bigyang-daan ang imbestigasyon hinggil sa sunud-sunod na mga insidente ng pamamaril sa lalawigan.

Ito ang kinumpirma ng Police Regional Office 4-B (MIMAROPA) batay sa inilabas na General Order Number 236 na may petsang Nobyembre 21, 2020.

Ayon kay MIMAROPA regional police chief, Brig. Gen. Pascual Muñoz, si Col. Bartolome ay pansamantalang hinalinhinan ni Col. Nicolas Torre III, na siyang kasalukuyang Deputy Regional Director for Operations ng PRO-4-B. (JESSE KABEL)