(NI ROSE PULGAR)

PINAGHAHANAP ngayon ang dalawang Pinoy na turista matapos itong mawala nitong Miyerkoles sa isang beach resort sa Phuket, Thailand.

Inimpormahan na ni Ambassador to Thailand Mary Jo Bernardo-Aragon ang Department of Foreign Affairs  (DFA) hinggil sa pagkawala ng dalawang Pinoy na turista, na pansamantalang hindi muna pinangalanan na naganap  sa Freedom Beach ng naturang bansa.

Ito ay matapos i-report ng Royal Thai Police sa embahada ng Pilipinas ang insidente.

Gabi pa lamang ay kaagad na nagsagawa ng representation  ang embahada ng Pilipinas katuwang ang Thai Police, sa pakikipagtulungan ng ilang Pinoy doon.

Ayon kay Aragon, nagsasagawa na ng rescue operation ang mga awtoridad sa Thailand upang makita ang dalawang nawawalang Pinoy.

Sinabi pa ni Aragon, patuloy ang kanilang monitoring at koordinasyon ng embahada sa mga awtoridad sa Thailand upang   matagpuan ang dalawang Pinoy.

Lumalabas sa report, ang dalawang Pinoy na turista ay nasa dagat sa kasagsagan ng napakalakas na hangin hanggang sa tangayin ang mga ito ng bugsong alon.