(NI KIKO CUETO)

MAAARI na rin mag-leave ang babae kung mayroong dysmenorrhea o menstrual cramps.

Sinabi ni Labor Secretary Silvestre Bello III na maaari ito kung may collective bargaining (CBA) deal sa kanilang employer.

“Magandang idea (That’s a good idea). That can be the subject of a collective bargaining agreement between the employee and the employer,” sinabi ni Bello sa panayam sa DZMM.

Nauna rito ay pinirmahan ni Pangulong Duterte ang batas, na nagbibigay ng dagdag na leave at benepisyo sa mga kababaihan.

Giit ni Bello, ang nasabing suhestiyon ay kailangang idaan sa CBA ng bawat kompanya para magkaroon ng dagdag na benepisyo sa mga kababaihan.

Hinikayat naman ni Bello ang mga employer na payagan ito dahil mas makatutulong umano sa productivity sa kompanya.