MANANATILI sa ilalim ng General Community Quarantine (GCQ) classification ang National Capital Region (NCR), Baguio City and Davao City para sa buong buwan ng Marso.

Sinabi ni Presidential spokesperson Harry Roque na ito ang naging desisyon ni Pangulong Rodrigo Roa Duterte nitongBiyernes.

Nasa ilalim din ng GCQ sa bahagi ng Luzon ang Batangas at ilang lugar sa Cordillera Administrative Region na kinabibilangan ng Apayao, Kalinga at Mountain Province; Tacloban City para naman sa rehiyon ng Visayas; Iligan City at Lanao del Sur para naman sa Mindanao.

Ang lahat naman ng mga lugar na hindi nabanggit ay nasa ilalim ng Modified General Community Quarantine (MGCQ).

“The abovementioned risk-level classifications will take effect starting Monday, March 1 until March 31, 2021,” ayon kay Sec. Roque. (CHRISTIAN DALE)