BINALASA ng Philippine National Police (PNP) ang apat na heneral matapos ma-promote bilang chief directorial staff si NCRPO Regional Director MGen. Vicente Danao Jr.

Humalili kay Danao si P/MGen. Felipe Rivera Natividad bilang bagong NCRPO Regional Director epektibo Marso 01, 2022.

Habang itinalaga naman bilang Deputy PNP Chief for Administration si P/Lt. Gen. Israel Ephram Taverner Dickson, hawak naman ni P/Lt. Gen. Rhodel Orden Sermonia ang ikatlong puwesto bilang Deputy PNP Chief for Operation at Acting Chief Directorial Staff si MGen. Danao.

Ang balasahan ay bahagi ng promosyon ng 4 na heneral, epektibo Marso 1, na may General Order Number NHQ-GO-DES-2022-491 sa direktiba ni PNP chief, Gen. Dionardo Carlos. (ENOCK ECHAGUE)