MATAPOS ang three-game losing streak, nakabalik ang Los Angeles Lakers sa win column.
Nagsanib-pwersa sina LeBron James, 35 points, at Anthony Davis, double-double 34 points at 15 rebounds, nang dispatsahin ng Lakers ang Pistons, 124-117, Linggo ng gabi (Lunes sa Manila) sa Little Caesars Arena sa Detroit.
“This was a must-win for us, because we wanted to have a successful road trip — at least .500,” lahad ni Davis. “The last game is always the toughest to win.”
Mayroon ding seven assists si Davis sa Lakers, nagawang mabalewala ang 38 points ni Bojan Bogdanovic.
Nakapag-contribute rin si Lonnie Walker IV ng 18 points sa Los Angeles at si Russell Westbrook, 11 points at nine assists.
Si rookie Jaden Ivey ay may 16 points sa pangatlong sunod na talo ng Detroit.
Abante ang Lakers sa halftime, 61-49, nang kumamada si Bogdanovic ng career-high 25 points sa third quarter para iangat ang Pistons.
May 13 points si James sa fourth, nilaro ang oras, nag-drive sa lane at nang makitang open si Austin Reaves sa baseline, pinasa ang bola, pasok ang 3-pointer at panalo sa nalalabing 12.4 seconds.
Iho-host ng Lakers sa Martes ang Boston Celtics, habang lalaro ang Pistons sa Charlotte sa Miyerkoles. (VT ROMANO)
182
