SINOPLA ng Commission on Elections (Comelec) ang mga naghain ng petisyon para sa pagbabasura ng kandidatura ni dating senador Ferdinand “Bongbong” Marcos na tumatayong pambato ng Partido Federal ng Pilipinas sa nalalapit na 2022 presidential derby.
Sa desisyong ipinalabas ng Comelec, pinasaringan din ang anila’y tangkang pagpapaikot ng batas, partikular sa mga inilatag na dahilang basehan umano para hindi pahintulutan ang dating senador na lumahok sa anomang demokratikong proseso.
“Since the instant petition, which is one for cancellation or denial of due course of a CoC invoked grounds for disqualification, the instant petition should be summarily dismissed. We shall nevertheless relax compliance with the technical rules of procedure and proceed to discuss the merits if only to fully and finally settle the matter in this case because of its paramount importance,” saad sa bahagi ng 32-pahina ng desisyong inilabas ng Comelec 2nd division.
Sa ibinasurang petisyong inihain ng dating tagapagsalita ng Korte Suprema na si Atty. Theodore Te – isang kilalang kritiko ni Marcos – isinangkalan umano ang ilang probisyon sa batas na kalaunan ay napag-alamang hindi naman pala sumasaklaw sa buwis, kundi sa lupang pinaparenta para sa pagmimina.
“Petitioners shamelessly cited a certain provision denominated as Section 254 of the 1977 NIRC which they alleged such provision punishes those who fail to file an ITR fine of not less than P10,000 ‘AND’ imprisonment. However, a careful reading of the actual Section 254 of the 1977 NIRC shows that it refers to rentals and royalties and mineral lands under lease,” ayon pa sa Comelec 2nd division.
“It reeks of deliberate intent to deceive or mislead the Commission,” dagdag pa ng komisyon.
Ayon pa kina Comelec Commissioners Antonio T. Kho, Jr. at Rey E. Bulay na kapwa pumabor sa pagbasura ng petisyon, isa anilang malinaw na tangkang panloloko sa komisyon ang ginawa ng mga petitioners sa hangaring i-etsapwera si Marcos.
“It somehow becomes ironic when we realize the thought that herein Petitioners accuse Respondent Marcos of misrepresentation while they themselves are guilty of supposed misrepresentations in this very same proceeding,” saad pa ng desisyon.
421 
