CAVITE – Binawian ng buhay ang isang 24-anyos na motorcycle rider nang sumalpok ang kanyang motorsiklo sa isang kotse sa bayan ng Maragondon sa lalawigang ito.

Isinugod sa ospital ang biktimang si Felix Javier Jr. ng Brgy. Talispungo, Maragondon ngunit hindi umabot nang buhay.

Hawak na ng pulisya ang driver ng Isuzu 1600 na si Dave Anciado, 29, ng Brgy. Lumina, Gen. Emilio Aguinaldo, Kawit, Cavite.

Ayon sa ulat ni Pat. Juviel de Leon ng Maragondon Municipal Police Station, dakong alas-11:35 noong Biyernes ng umaga nang mangyari ang insidente sa Brgy. Tulay B, Maragondon, Cavite habang kapwa binabagtas ng dalawang driver ang kahabaan ng Maragondon-Magallanes Road sa opposite direction.

Ngunit pagsapit sa Brgy. Tulay nang nag-overtake ang biktima at inukupahan ang kabilang linya kung saan paparating naman ang kotse dahilan upang sumalpok ang motorsiklo sa harapang bumper ng nabanggit na sasakyan.

Bunsod nito, tumilapon ang biktima na agad na isinugod sa ospital ngunit idineklarang dead on arrival. (SIGFRED ADSUARA)