NAGBABALA ang Minor Basilica of the Black Nazarene laban sa umano’y mga taong gumawa ng fake accounts ng Quiapo Church at nagbebenta ng religious items.

Sa Facebook post, nilinaw ng Basilica na hindi ito nagpapatakbo o walang sariling “religious store.”

“A reminder to devotees that the Quiapo Church does not have a ‘Religious Store’ or any religious items for sale or offered,” saad ng simbahan.

Pinaalalahanan din ang mga deboto na huwag paniwalaan mga naka-post sa social media hinggil sa kanilang simbahan.

“Be careful and critical about the spreading ‘Fake Accounts’ that use the leadership and the church of Quiapo,” sabi ng Basilica.

Inilabas ang pahayag bilang tugon sa social media post na may pangalang “Black Nazarene Supporter.”

Ang naturang page ay nagbebenta umano ng “Blessed Black Nazarene medallions,” na sinasabing binasbasan ng Quiapo Church.

(RENE CRISOSTOMO)