NAISPATAN ang aktor na si John Lloyd Cruz na namimili ng isda sa isang palengke sa Cebu.

Tulad ng dating mga larawan niya na pinoste online, naintriga na naman ang netizens sa panibagong photos na nagkalat sa social media. Ang mga bagong larawan ay pinoste sa Facebook page na Bisayang Travelista Travel and Tours.

Makikita rin sa mga larawan na may bagong “look” ang aktor: mas maiksi ang buhok at balbas, mas malapit sa itsura niya noong bago siya mag-leave sa showbiz. Ang Facebook page din na ito ang nag-post dati ng mga lawaran ni John Lloyd sa island-hopping at ibang adventures niya sa Moalboal at Badian, Cebu.