BIGO ang Philadelphia 76ers makakuha ng tiebreaker sa standings para sana umakyat ng bahagya sa East, nang maitakbo ng Milwaukee Bucks ang 118-116 win sa mismong teritoryo ng Sixers, Martes ng gabi (Miyerkoles sa Manila).
Kumuha ang Bucks ng 37 points sa fourth quarter, shooting 72.2% at 4-for-7 mula sa labas ng 3-point range, habang ang Sixers nag-collapse sa depensa.
“We had a couple mistakes defensively and they made us pay for it,” pahayag ni James Harden sa pagkatalo ng Sixers. “It seemed like they hit 3 after 3 after 3 off our mistakes. It was nothing they did. Things we could’ve corrected, things we could’ve controlled. They got 37 points in that fourth quarter. Defending champs? Can’t allow that to happen.”
Para naman kay coach Doc Rivers, wala pang fourth quarter, madaling napapasok ng Bucks ang depensa ng 76ers sa pamamagitan ni Brook Lopez, kung saan ang burly big man nakahirit ng 11 straight points para sa Milwaukee. Kasunod nito, umiskor din si Giannis Antetokounmpo ng 13 sunod sa pagtatapos ng third.
“I actually thought the first three minutes of the third, it almost felt like the Phoenix game again,” dagdag ni Rivers. “They come out, Lopez gets 11 straight from our helps, we didn’t score for a while. Then we got it going again. I thought the end of the third, I thought those were the two stretches.”
Sa panalo ng Bucks, umiskor si Antetokounmpo ng 40 points, may 14 rebounds at six assists, kasunod si Khris Middleton, 22 points, nine rebounds at seven assists, habang si Jrue Holiday 18 points, eight rebounds at 10 assists at 17 points at 3 rebounds mula kay Lopez.
Habang sa panig ng Sixers, top scorer si Harden, 32 points, five rebounds at nine assists. May 29 points, 14 rebounds at seven assists naman si Joel Embiid at si Tobias Harris 22 points, 11 rebounds at six assists.
PISTONS ‘DI
PINALUSOT NG NETS
KUMULEKTA si Kevin Durant ng 41 points at sinungkit ng Brooklyn Nets ang 130-123 panalo kontra Detroit Pistons sa New York.
Tumulong si Kyrie Irving ng 24 puntos sa kanyang ikalawang home appearance mula nang i-exempt ng New York ang mga atleta mula sa private employer mandate para sa COVID-19 vaccination nito lang nakaraang buwan. Habang si Andre Drummond ay nag-ambag ng 14 points at 13 rebounds para makabalikwas ang Brooklyn mula sa double-digit deficit sa second quarter.
Nanguna naman si Cade Cunningham sa Pistons, 34 points, habang sina Isaiah Stewart at Saddiq Bey, tig-15 puntos.
Nagtala ang Pistons ng 55-43 lead kasunod ng short jumper ni Frank Johnson, 5:54 nalalabi sa second quarter. Sumagot si Durant ng four-point play para idikit ang Nets, 64-58 sa halftime.
Binuksan ng Brooklyn ang second half via 22-8 run at kunin ang 80-72 lead buhat sa put-back ni Drummond sa huling 5:54 ng third period.
Nagawang makalapit ng Pistons sa huling 38 seconds ng quarter mula sa three-pointer ni Cunningham, 96-94. Kasunod nito, naagaw ng Detroit ang lead sa simula ng fourth mula sa floater ni Jackson.
Tabla ang iskor sa 108-108 nang humirit si Durant ng pull-up jumper kasunod ang dalawang free throws.
Ang huling dalawang free throws ni Durant nagbigay sa Nets ng pinakamalaking abante, 128-118, 1:18 na lang sa laro. Buhat dito, hindi na nakadikit ang Detroit.
Tumapos si Seth Curry na may 11 points, habang si Bruce Brown 15 points at 11 mula kay Nic Claxton para sa Nets.
WIZARDS SINUWAG
NG BULLS
INILISTA ni DeMar DeRozan ang 14 ng kanyang game-high 32 points sa fourth quarter at may total 27 puntos naman si Nikola Vucevic nang pagtulungan ng dalawang iangat ang Chicago Bulls laban sa host Washington Wizards, 107-94.
Isinara ng Chicago ang five-game road trip sa 2-3 record. Ang susunod na limang laro ng Bulls (44-32) ay lalaruin sa home bago tatapusin ang season sa Minnesota sa Abril 10.
Mula sa 3-pointer ni Deni Avdija, dumikit ang Washington, 81-80, 8:59 pa sa laro, bago nabawi ng Bulls ang kontrol mula sa 13-2 run sa sumunod na 2:50.
Nagwakas ang two-game winnings treak ng Wizards (32-43), talo ng tatlo sa limang laro at ika-9 sa 12 laro.
Nagtala si Rui Hachimura ng 21 points para sa Wizards, habang si Kentavious Caldwell-Pope ay may 20 puntos, kasunod si Kristaps Porzingis, 14 points at 10 rebounds. Si Avdija, 14 points at eight rebounds at 10 points mula kay Korey Kispert. May game-high 10 assists naman si Tomas Satoransky para sa Wizards.
Dalawang gabi matapos kumamada ng 16 3-pointers sa home win kontra Golden State Warriors, ang Wizards ay mayroon lamang 6-for-28 (23.1%) sa long range laban sa Bulls. Ang Washington ay kulelat sa listahan pagdating sa 3-point shooting average, 10.5.
Si Zach LaVine, kwestyonable bago ang laro sanhi ng left knee soreness at injury management kasunod ng second leg ng back-to-back, ay umiskor ng 14 points sa second half. Mintis siya sa tatlong field goal attempts sa first half, pero 4-for-7 sa second half.
Sina DeRozan at Patrick Williams, parehong may seven rebounds sa Chicago, habang may six assists naman si Ayo Dosunmu.
Nagpiyesta si Vucevic sa first half, nang pangunahan ang pagposte ng Bulls ng 51-46 lead sa halftime, matapos siyang kumulekta ng 20 points buhat sa 9-for-13 shooting. Habang may nine points naman si DeRozan.
Binura ng Washington ang lamang ng Bulls, umiskor ng pito at agawin ang lead buhat sa dunk ni Kispert, may 10:21 pa sa third quarter.
Unang season sweep ito ng Chicago sa Washington sapol nang mangyari noong 2010-2011 season.
SAMANTALA, naungusan ng Los Angeles Clippers ang Utah Jazz, 121-115; habang talunan naman ang Los Angeles Lakers sa kamay ng Dallas Mavericks, 128-110.
319
