KAHIT inabutan ng COVID-19 pandemic, nakumpleto pa rin ni Senate President Vicente “Tito” Sotto III ang kanyang physical attendance sa 1st Regular Session ng 18th Congress.
Batay sa tala, perfect ang attendance ni Sotto sa 67 nilang sesyon mula July 22, 2019 hanggang June 4 at hindi rin ito na-late sa kanilang 3 pm sessions.
Bukod kay Sotto, perfect din ang attendance nina Senate majority leader Juan Miguel Zubiri, minority leader Franklin Drilon at Senators Nancy Binay, Ronald dela Rosa, Sherwin Garchalian, Risa Hontiveros, at Joel Villanueva.
Tulad naman ni Sotto, hindi rin nagrehistro ng late si Zubiri.
Present naman si Senador Sonny Angara sa 66 session at isang official local mission habang si Sen. Christopher Go, 66 present at isang official mission abroad.
Nagtala naman ng tig-iisang absent at 66 present sina Senador Panfilo Lacson, Senador Imee Marcos at Senador Francis Tolentino.
Tig-dalawang absent naman sina Senador Grace Poe, Senador Ralph Recto, at Senador Cynthia Villar.
Si Senador Pia Cayetano, 63 present, 1 official local mission, 3 absents habang si Senador Richard Gordon ay may 62 present, 1 official mission abroad, 1 absent at 3 sick calls.
Present naman si Senador Manny Pacquiao sa 62 session habang mayroong isang official local mission, dalawang absents at dalawang sick calls; habang si Senador Kiko Pangilinan ay present sa 58 session, 3 official local mission, 4 absents at 2 sick calls; at si Senador Koko Pimentel III, ay may 63 present, 4 absents.
Si Senador Lito Lapid, ay may 59 present, 2 official local mission at 6 official missions abroad; habang si Senador Ramon Revilla Jr, ay may 63 present, 1 official local mission at 3 official missions abroad. (DANG SAMSON-GARCIA)
186
