Tag: Pro Hac Vice /

Sino bang dapat sisihin sa nangyaring bangayan sa loob ng simbahan sa Makati City, ang mga Binay o ang Parish Pastoral Council for Responsible Voting? Bakit pinahintulutan nilang maging arena ang simbahan ng Katoliko? Catholic Bishop Conference of the Philippines anong say n’yo? Nganga? oOo Sa patuloy namang pagtaas ng presyo ng petrolyo sa bansa sino nga ba ang dapat managot, ang gobyerno o ang mga mapagsamantalang mga negosyante? Kailangan pa ba na si Pangulong Rodrigo Duterte pa rin uli ang magmando upang maisaayos ang tila wala nang katapusang pagsirit…

Marami sa mga nag­hahangad ng kapangyarihan na nawawala na ang tinatawag na delikadeza makuha lamang ang inaasam na kapangyarihan o tungkulin. Likas na ba talaga sa bawat nag-aambisyon ng tungkulin ang kinakain na ang kahihiyan? Sa ilan sa mga politiko na kahit mayroong kinakaharap na mga kaso ay patuloy pa rin sa pagtakbo at panghihikayat para lamang makuhang muli ang inaasam na tungkulin. Maging sa hudikatura ay mayroon ding ganitong sitwasyon. Gaya sa kaso ng isa sa mga miyembro ng Judicial and Bar Council na nag-a-apply upang ma­ging isa sa…

Sobra na ang kawalang disiplina ng mga Pinoy partikular na rito sa National Capital Region na kung hahayaan na lang ay magiging malaking suliranin sa hinaharap. Simpleng batas trapiko hindi kayang sundin, kaliwa’t kanang pagtatapon ng basura, paninigarilyo sa mga pampublikong lugar na nangunguna pa ang mga taong gobyerno, kahit mga alagang hayop pinababayaan na pakalat-kalat sa kalye at maraming iba pa. Mga politiko na suwapang o sugapa sa kapangyarihan, na wala na ngang nagagawa para sa ating mga kababayan ay puro pa kabulastugan ang ginagawa! Pulis na mga abusado…

Walang puwang sa Department of Justice (DOJ) ang sinumang piskal na mapapatunayang sangkot sa kalakalan ng ilegal na droga. Matindi ang banta ni Secretary of Justice Menardo Guevarra sa sinumang mapatunayang public prosecutor na sabit sa ilegal na droga, dahil hindi lamang sibak sa serbisyo kundi may kakaharapin ding kasong kriminal ang mga ito. Kinausap na rin ni Secretary Guevarra ang Philippine Drug Enforcement Agency na bigyan ang DOJ ng listahan ng sinasabing 10 piskal na diumano’y sangkot sa ile­gal na droga. Paliwanag ni Sec. Guevarra na mula sa nasabing…

Iyan ang pinangangambahan ng Public Attorneys Office. Paliwanag ni PAO chief Persida Rueda-Acosta na kung itutuloy ng Department of Justice na ihahain sa iba’t ibang korte sa bansa ang reklamo laban kina da¬ting Department of Health Secretary Janet Garin et al, ay posibleng patay na umano ang mga complainant ay hindi pa tapos na dinggin ng korte ang kaso sa dahilang sobrang dami ng mga reklamo mula sa pamilya ng mga batang biktima na naturukan ng Dengavax-ia vaccine sa iba’t ibang panig ng bansa. Apela ni Acosta sa DOJ dapat…

Naniniwala ako noon na maninindigan itong si Senator Antonio Trillanes IV sa kanyang mga binitawang salita na kaya niyang panindigan o patunayan sa Makati City Regional Trial Court na lehitimo ang kanyang pagkaabsuwelto sa kasong rebellion dahil sa ipinagkaloob na amnestiya sa kanya ng Aquino administration. Pero ano ito?! Bakit ngayon ay tila hindi na nito mapanindigan ang kanyang mga pahayag noon, at ngayo’y nagpapasaklolo na siya sa court of appeals? Pahiwatig ba ito na nabahag na ang buntot ng senador? O dahil nakita nito na mayroong sapat na basehan…

Talaga bang sinusundan ng anino ng kamalasan ng ilegal na droga si dating Bureau of Customs at ngayo’y Director General ng Bureau of Correction Nicanor Faeldon? Mantakin n’yo naman nang dahil sa ilegal na droga ay nabahiran ang integridad ni Faeldon ng pamunuan nito ang Bureau of Customs (BOC) makaraang mapalusutan diumano ng kilu-kilong shabu na nahabol lamang nila sa isang bodega sa Valenzuela City. Maging ang anak nito na si Nicanor Faeldon Jr. ay minalas din makaraang makasama sa mga naaresto sa isang bahay na pinaniniwalaang drug den sa…

MUKHANG malilibot ni dating Department of Health (DOH) Secretary Janet Garin at iba pang respondent o suspek sa kasong reckless imprudence resulting in homicide ang buong hukuman ng Pilipinas upang sagutin o harapin naman ang nasabing kaso na nakatakdang ihain ng Department of Justice (DOJ) sa loob ng linggong ito. Paliwanag kasi ni DOJ Secretary Menardo Guevarra na ihahain nila ang kaso kung saan naganap ang sinasabing krimen. Ang kaso ay may kaugnayan sa unang batch pa lamang ng mga reklamong nakasampa sa DOJ sa kontrobersyal na programa ng DOH…

Ano na nga ba ang nangyayari sa paggunita ng EDSA? Bakit mas marami pang awtoridad na nagbabantay kaysa mga dumating para gunitain ang umano’y EDSA revolt. Marahil patunay lamang ‘yan na mas marami na ngayong mga Pinoy na na­gising na o mas alam na nila kung ano nga ba ang tunay na nangyayari sa bansa. Sino ba naman ang gaganahang pumunta sa natu­rang pagtitipon kung ang mga maririnig mo lamang naman sa mga guest speaker ay puro papogi, paninisi at pamumulitika, na wala namang nagawa para mabago ang kalagayan ng…