PINURI ni Senator Cynthia A. Villar ang tapang ng mga organizer ng 8th International Gamefowl Festival upang mapanatiling nagliliyab ang gamefowl industry sa kabila ng coronavirus pandemic.

“This opening of the game fowl industry doors this year hopes to bring together leading game fowl breeders, pigeon raisers, exotic animal hobbyists, veterinary and nutrition suppliers, gamefowl suppliers, pigeon suppliers, pigeon fanciers, incubators, feed manufacturers, and related products and services catering to game fowl, pigeon raising and exotic animals,” ayon kay Villar base sa mensaheng binasa ng kanyang anak na si Deputy Speaker Camille Villar.

“You have also included a reptile expo which will showcase reptiles and other exotic animals,” sabi pa ng chairperson ng Senate agriculture committee na Guest Speaker sa  three-day event na nagsimula February 25 sa World Trade Center, Pasay City.

Bagama’t umaasa tayo sa mas mabuting taon, binanggit din ng senador na kailangang ibalanse ang vaccination program para protektahan ang mga tao laban sa COVID-19 at bigyan sila ng pagkakataong magkaroon ng disenteng hanapbuhay upang suportahan ang kanilang pamilya.

Inihayag din ng senador na matindi ang epekto ng pandemya sa gamefowl sector dahil sa mga limitadong kilos bunga ng community quarantines.

Iniulat ng gamefowl industry ang malaking pagkalugi sanhi ng COVID-19 pandemic.

“The sales of “ready-to-fight” game fowls in 2020, which dropped due to limited movements and restrictions brought by the community quarantines, was huge amounting to billions of pesos. This included a sales drop of 50 percent to the P30-billion feed industry and a loss of around P15 billion to the veterinary products sector,” sabi pa ng senador.

Binanggit din niya ang pagsasara ng mahigit 3,000 sabungan sa buong bansa. Sanhi nito, marami ang nawalan ng trabaho sa sabungan kabilang na ang
cockpit vendors, farmhands, at kawani ng mga kumpanya ng feeds, veterinary supplies at farm equipment.

“As the quarantine restriction eases, the cockpit arenas hope to reopen and contribute to the revival of the economy,” sabi pa ni Villar.

Iginiit niya na dahil sa alituntunin ng IATF o Inter Agency Task Force for the Management of Emerging Infectious Diseases noong December 14, 2021, nahinto ang sabong sa mga lugar na Alert Level 4, 3 at 2.  Hindi pinayagan ang sabong dahil sa high risk ito sa pagkalat ng virus.

Dahil dito, sinabi ni Villar naging makabago ang sabong kaya ginagawa na ito sa  “online via mobile or desktop.”

“In fact, enthusiasts are now into e- sabong, while the operators keep innovating. There are licensed sites, and bettors can watch the game via live-stream,” ani Villar.

Sa ngayon, sinabi ng senador na hamon sa e-sabong ang magkaroon ng legal platform bunga ng kontrobersya sa sports na ito na kamakailan lamang ay inimbestigahan ng Senado. (ESTONG REYES)