MANDATORY EVACUATION CENTER SA BAWAT LUNGSOD, IGINIIT 

(NI DANG SAMSON-GARCIA)

ISINUSULONG ni Senador Bong Go ang paglalagay ng evacuation center sa lahat ng lungsod, lalawigan at munisipalidad sa buong bansa.

Sa kanyang Senate Bill 1228, iginiit din ni Go ang paglalaan ng pondo para sa pagtatayo ng mga evacuation center.

Ipinaliwanag ni Go sa kanyang panukala na alinsunod sa Konstitusyon, mandato ng gobyerno na protektahan ang buhay, ari-arian at kapakanan ng sambayanan kasabay ng pagpapanatili ng peace and order.

Binigyang-diin ng senador na madalas na tinatamaan ng kalamidad ang bansa dahil sa lokasyon nito sa “Pacific Ring of Fire”.

Sa panahon anya ng kalamidad tulad ng bagyo at lindol, kadalasang nabibiktima ang mga mahihirap na nawawalan ng mga tahanan.

Dahil dito, napapanahon na anyang tiyakin na may mapupuntahan ang publiko na evacuation centers sa panahon ng kalamidad.

Alinsunod sa panukala, ang bawat evacuation center ay dapat na mayroong Sleeping quarters sa evacuees; magkahiwalay na shower at toilet facilities sa babae at lalaki; mayroong emergency/exit doors; ang Food preparation areas ay dapat na may sapat na hangin; mayroong Trash and waste segregation at collection areas; dapat ding mayroong isolation and/or quarantine area para sa infectious persons;gayundin ang rainwater harvesting and collection facilities.

 

Please follow and like us:
Read More

LIZ-QUEN, MAGTATAYO NG BAGONG NEGOSYO

(NI BOY ABUNDA)

KAMAKAILAN ay nagbukas na ang ikalawang sangay ng Hope Wellness Spa na pag-aari ni Liza Soberano.

Ayon sa kasintahan ng aktres na si Enrique Gil ay balak na rin nilang magsosyo ngayong 2020 para sa isang bagong negosyo.

“We’re really planning on opening up our own wellness resort spa. I love the ocean kasi and we actually enjoy getting massages, and all things natural. My mom is a big health freak, she really became strict with her diet. She went vegan for a time and ang dami niyang alternative medicines. I really got it I think from my mom growing up to be very health conscious. We don’t really use a lot of chemicals or unnatural stuff in the house. My mom really makes sure that she gets things from places na all natural. And Hope (palayaw ni Liza) to be doing a business like this, it would be just a perfect match if we could bring her Hope Wellness Resort Spa,” pagbabahagi ni Enrique.

Magsisimula na sa Enero ang teleseryeng Make It With You na pinagbibidahan ng tambalang Liz-Quen. Ayon sa aktor ay plano nilang simulan ni Liza ang bagong negosyo kapag nagtapos na ang naturang serye. “Soon, we’re really busy with work kasi but ‘yon ang dream namin ni Hope sa future, to open a resort spa,” giit ng binata.

Naisipan umano nina Enrique at Liza ang tungkol sa itatayong negosyo noong pumunta at naranasan ang serbisyong ibinibigay sa The Farm at San Benito sa Lipa, Batangas. “We just fell in love with the place. I didn’t know na may gano’n pala, ‘yung parang resort na wellness resort spa. Pumupunta pala do’n people who are sick with cancer. When they go there they eat food that’s freshly harvested from their farm. Women who are pregnant, they stay there for the whole pregnancy period just to be very healthy and it’s very calming there.

From all this showbiz things and busy lifestyle and work, to have a little retreat like this. You don’t have to go so far so it’s really amazing. When we saw The Farm, sabi ko, ‘We can open something like this.’ Ako pa naman ang dream ko is build my own resort and I would really love to build wellness resort spa pero gusto namin by the beach,” paglalahad ng aktor. With reports from J.C.C.  

 

Please follow and like us:
Read More

ILANG KALSADA SA R. BLVD ISASARA SA RIZAL DAY

RIZAL

(NI RENE CRISOSTOMO)

BUKAS, Disyembre 30, araw ng paggunita sa ika-123 taong kamatayan ng bayaning si Dr.Jose Rizal ,magpapatupad ng road closure at traffic re -routing ang Manila District Traffic Enforcement Unit (MDTEU) sa Roxas Boulevard, Ermita,Manila.

Ito ang napag-alaman kay PLt.Col Carlo Magno Manuel, hepe ng Manila Police District-Public Information Office ,na magsisimulang isara simula 6 :00 ng umaga ang North at South bound lane ng Roxas Boulevard mula Katigbak hanggang T.M. Kalaw.

Lahat ng sasakyan ay dadaan sa southbound mula sa Delpan bridge-Pier ay dapat kumaliwa sa P.Burgos kanan sa Ma.Orosa papunta sa destinasyon.

Ang mga trailer truck at iba pang heavy vehicle na magmumula sa Delpan bridge-Pier ay dapat kumaliwa sa Padre Burgos diretso sa Finance Road-Ayala Boulevard kanan sa San Marcelino St., patungo sa destinasyon.

Nabatid na ang mga sasakyan naman na daraan sa Northbound ng Roxas Blvd ay dapat na kumanan sa T.M.Kalaw, kaliwa sa Ma.Orosa papunta sa destinasyon.

Lahat naman ng trailer truck na dadaan sa Roxas Blvd.mula P.Ocampo ay dapat kumanan sa President Quirino Avenue papunta sa destinasyon.

Samantala,lahat ng sasakyan na manggagaling sa Mc Arthur Bridge at sa tulay ng Jones at Quezon Blvd.bridge na dadaan sa Southbound lane ng Roxas Blvd mula sa P. Burgos , dapat na dumaan sa round table papunta sa Ma.Orosa o dumaan sa Taft Ave. papunta sa kanilang destinasyon.

Please follow and like us:
Read More

PONDO NG LGU MATATANGGAP SA 2020

(NI NOEL ABUEL)

MALAKI ang posibilidad na simula sa darating na taon, direkta nang matatanggap ng mga nangangailangang local government unit (LGU) ang pondong kanilang hinihingi para sa kanilang mga proyekto.

Sinabi ni Senador Panfilo Lacson na ito ay bunga ng polisiya ng Department of Budget and Management (DBM) na nag-aatas sa mga ahensiya ng pamahalaan na kumuha muna ng sertipikasyon sa Regional Development Councils (RDCs) kaugnay sa mga proyektong ipatutupad sa taong 2021.

Ayon kay Lacson, nangunguna sa krusada para sa tamang paggamit ng pondo ng pamahalaan, ang hakbang na ito ng DBM ay magwawakas na sa ‘disconnect’ na matagal nang nagpapahirap sa mga lokal na pamahalaan.

“I am thankful to DBM Secretary Wendel Avisado for requiring agencies to obtain certifications from RDCs to make sure projects have local support. This is a step in the right direction that we must follow,” ayon pa kay Lacson.

Una rito ay ipinaalam ng kalihim sa mambabatas na magiging pangunahing sangkap ng mga ahensiya sa paghingi ng badyet para sa mga proyekto ang mga sertipikasyon mula sa RDCs, at isasama ito sa paghanda sa darating na taon ng pambansang badyet para sa 2021.

“For the P4.1-trillion budget for 2020, projects initiated by the Regional Development Councils accounted for only 25 percent of development projects in the National Expenditure Program or the President’s Budget that forms the basis of the budget bill,” sabi ni Lacson.

“Yet, local government units, especially those in far-flung areas, are in the best position to know their constituents’ needs and priorities,” dagdag ng mambabatas.

Ipinaliwanag din ni Lacson na hindi mawawala ang karapatan ng mga mambabatas lalo na ang mga kongresista, na lumahok sa paghingi ng proyekto dahil ang mga ito ay kabilang sa mga bumubuo ng RDCs.

Muli ring nanawagan ang mambabatas sa publiko na mas maging mapagbantay pa sa pinagggagamitan ng pambansang badyet at isumbong ang hindi tamang gastos sa mga kinauukulan.

“As I have repeatedly been emphasizing, the national budget is the lifeblood of the economy, if not the country itself. No government or no nation will survive without its healthy components and circulation,” dagdag pa nito.

 

Please follow and like us:
Read More

US-RP RELATIONS, MATATAG — SOLON

trump21

(NI DANG SAMSON-GARCIA)

TIWALA si Senador Koko Pimentel na hindi makaaapekto sa relasyon ng Pilipinas at Estados Unidos ang umiinit na usapin sa sinasabing pag-ban sa Amerika ng mga opisyal ng gobyerno na tumulong sa pagpapakulong kay Senador Leila de Lima na ginantihan ng pagbabanta ng Malakanyang na oobligahin ang mga Amerikano na kumuha ng visa bago pumasok sa ating bansa.

“Ang relationship ng Pilipinas sa Amerika, napakalakas nyan. Ito ay napakaliit lang na issue. It will not affect the relationship with us. Maliit na bagay lang ito,” saad ni Pimentel.

Iginiit pa ni Pimentel na wala na ring silbi kung magpo-protesta ang bansa kung ituloy man ng Amerika ang pag-ban sa mga opisyal ng gobyerno.

“Pointless na magprotest kasi conclusion ng legislators nila yun eh. Wala na epekto dito sa atin kasi may sarili tayo process because hindi rin naman nila babaguhin yun. Kung ginagawa nila political issue then it becomes political issue, kasi dinidiscuss na natin,” paliwanag ni Pimentel.

Binigyang-diin ng senador na kung anuman ang maging desisyon ng Amerika ay bahagi ito ng kanilang soberanya tulad ng karapatan nating gawin kung anumang polisya ang nais nating ipatupad.

Gayunman, kung itutuloy anya ng gobyerno ang pagre-require sa mga Amerikano na kumuha ng visa papasok sa ating bansa ay dapat maging handa ang Pilipinas sa posibleng pagbabawas ng turismo.

“Mag-umpisa ako sa prinsipyo na ang pagpasok sa isang bansa ay totally kontrolado yan ng bansa kasi sovereignty ang usapin, kung pwedeng pumasok ang isang foreigner sa bansa, decision ng isang bansa yun. Kunwari sa Amerika ayaw nila papuntahin ang opisyal ng Pilipinas wala tayo magagawa dun. Kung tayo naman sabihin natin dati wala kayo visa pero mula ngayon kailangan nyo na ng visa hindi sila pwedeng magreklamo pero ready lang tayo na mabawasan tayo ng bisita na Amerikano,” diin ni Pimentel.

Pinayuhan pa ni Pimentel ang lahat na huwag nang palakihin pa ang isyu at hintayin na lamang ang opisyal na deklarasyon.

“Huwag na natin udyukin kasi wala naman pinapangalanan. Kailangan official action from the Secretary of the States. Kahit may pangalanan ang dali lang solusyon, eh di wag kayo pumunta sa Amerika. Ang ibig sabihin nun, you are not welcome to go here, eh ‘di don’t go there,” diin pa nito.

Please follow and like us:
Read More

34 NA BIKTIMA NG PAPUTOK NAITALA NG DOH

(NI KIKO CUETO)

PUMALO na sa 34 ang bilang ng mga sugatan nang dahil sa paputok sa buong bansa, ayon na rin sa tala ng Department of Health (DOH).

Sinabi ni Health Secretary Francisco Duque III na ang 34 na kaso ay naitala sa National Capital Region, Ilocos, Cagayan Valley, CALABARZON, at sa Bicol.

Wala pa namang namamatay nang dahil sa paputok.

Karamihan sa mga naiatalang mga suatan ay dahil sa boga – isang improvised cannon na gawa sa mga PVC pipes.

Kasama na rin diyan ang mga lusis at piccolo.

Ang natitira ay dahil sa kwitis, whistle bomb, at five star.

Pero, sinabi ni Duque na ang bilang ay indikasyon na pababa ang naturang bilang.

“Mula December 21 to December 27 reporting period, nagkaroon tayo ng 22 cases ng firework-related injury at ito ay 35% lower than the 34 listed number of cases noong 2018,” sinabi ni Duque.

“Ito ay mababa ng 79-80% ng five-year average na 103,” dagdag niya.

Muli namang hinikayat ni Duque ang publiko na gumamit na lang ng torotot, o mga kaldero para mag-ingay sa pagsalubong sa bagong taon.

Nitong Sabado nakakumpiska ang PNP ng mga iligal na paputok sa Bocaue, Bulacan.

Muli namang sinabi ni PNP officer-in-charge Lieutenant General Archie Francisco Gamboa ang mga bawal na paputok, na kibabibilangan ng piccolo; watusi; giant whistle bomb; giant bawang; large Judas belt; super lolo; lolo thunder; atomic bomb; atomic bomb triangulo; pillbox; boga; kwiton; goodbye earth; goodbye bading; hello Columbia; at goodbye Philippines.

Tanging 124 firecracker dealers at 24 manufacturers lamang ang pinayagan sa Bocaue.

 

 

Please follow and like us:
Read More

GOV’T NURSE MAS LAMANG NA SA SAHOD NG TEACHERS

(NI BERNARD TAGUINOD)

MAUUNGUSAN ng mga government nurses ang mga public school teachers sa sahod simula sa susunod na taon at lalong lalaki ang agwat ng mga ito sa susunod na apat na taon.

Simula sa 2020 ipatutupad na ang P30,531 na sahod ng mga government nurse matapos manalo ang mga ito sa kaso sa Korte Suprema at kasama din ang mga ito Salary Standardization Law (SSL) 5.

Ayon kay Anakalusugan party-list Rep. Mike Defensor, magkakaroon ng P6,088 na karagdagang sahod ang mga government nurse sa loob ng apat na taon o simula 2020 hanggang hanggang 2023.

“We are counting on the 76 percent (or P15,865) increase in the base pay – from P20,754 to P36,619 – to help reduce the migration of Filipino nurses, and to encourage new nursing graduates to practice their profession,” ani Defensor.

Malayung-malayo na ito sa sasahurin ng mga public school teachers pagdating ng 2023 dahil aabot lamang ito ng P27,000 matapos mabigo ang mga ito sa kanilang kahilingan na itaas sa Salary Grade (SG) 15 ang kanilang sahod mula sa kasalukuyang SG 11.

Sa ngayon ay P20,758 ang buwanang sahod ng mga public school teacher 1 bagama’t mas mataas ang ibibigay na umento sa mga ito sa loob ng apat na taon na aabot sa P6,245 kumpara sa government nurse na P6,088 ay hindi pa rin makakahabol ang tinaguriang pangalawang magulang ng mga bata.

Dahil dito, ayaw isuko ni ACT party-list Rep. France Castro ang kanilang laban na itaas sa SG 15 ang sahod ng mga public school teacher na may kasing laki ng sasahurin ng mga government nurses.

“Wala kaming balak na itigil ang laban na magkaroon ng disenteng sahod ng mga teachers natin,” ani Castro kaya kahit maimplementa aniya ang SSL 5 sa susunod na taon ay ayaw ng mga ito na iatras ang kanilang panukala ukol dito.

 

 

 

Please follow and like us:
Read More

BASSOONIST MENDOZA, TAMPOK SA PPO CONCERT SERIES

BASSOONIST MENDOZA

Ang Philippine Philharmonic Orchestra (PPO), sa pangunguna ni Maestro Yoshikazu Fukumura, ay maghahandog ng kanilang pagtatanghal sa pagdiriwang ng Bagong Taon.

Sila ay magsasagawa ng kanilang ikalimang concert sa Enero 24, 2020 sa Main Theater ng Cultural Center of the Philippines sa ganap na alas-8 ng gabi kung saan ang kanilang guest performer ay walang iba kundi si bassoon player Adolfo O. Mendoza.

Ang program ay kinabibilangan ng Antonin Dvorak’s Serenade for String Orchestra, op.22, E Major; Wolfgang Amadeus Mozart’s Bassoon Concerto, B-flat Major and Cesar Franck’s Symphony in D minor.

Si Mendoza ang siyang Principal Bassoonist ng Philippine Philharmonic Orchestra. Siya rin ay isang faculty member ng University of Santo Tomas’ Conservatory of Music, Sta. Isabel College of Music at Conductor sa Trinity University of Asia Symphonic Band.

Siya rin ang Music Director at Conductor sa Lyceum Northwestern University Chorale at Balon Dagupan City Government Chorale.

Si Mendoza ay isa ring founder at President ng Pandaragupan Youth Orchestra, Inc. Founder din siya at Music Director ng Philippine Pops Orchestra. Kilala rin siya bilang isang Music Consultant ng Dagupan City.

Hindi rin matatawaran ang kahusayan pa ni Mendoza dahil siya ay naging bassoonist para sa musical na “Miss Saigon” sa Manila run nito na ginanap sa Cultural Center of the Philippines mula September 2000 hanggang March 2001 at sa Hong Kong at Singapore mula March hanggang August 2001.

Siya rin ay nagtanghal bilang principal bassoon ng Philippine Philharmonic Orchestra sa kanilang European Tour (Austria, Czech Republic, Spain at Germany) noong 2001 at sa naging Japan concert tour noong September 2002.

Tinapos ni Mendoza ang kanyang Bachelor of Music Major in Bassoon sa University of Santo Tomas’ Conservatory of Music sa pagtuturo nina Prof. Romeo Verayo at Prof. Arnaldo Custodio. Tinapos din niya ang kanyang Doctor of Musical Arts sa Texas Tech University sa Texas U.S.A. noong 2016 sa pagtuturo ni Prof. Richard Meek. Siya ay naging second place winner sa National Music Competitions for Young Artists (NAMCYA) Solo Bassoon Category C noong 1992, at naging miyembro ng UST Woodwind Quintet, at nakatanggap ng first prize sa NAMCYA Chamber Music Category noong 1993.

Para sa PPO concert, ang ticket prices ay Php1500/1200/800/500/400, na may discounts sa students, senior citizens at groups.  Para sa katanungan, tumawag sa CCP Box Office sa 8832-3704.

Please follow and like us:
Read More

FULL ATHLETES BENEFITS IPATUTUPAD SA 2020

(NI ANN ENCARNACION)

HANGAD ng Philippine Sports Commission (PSC) na maipatupad ang Republic Act 10699 o National Athletes and Coaches Benefits and Incentives  Act sa pagpasok ng Bagong Taon.

Sinabi ni PSC Chairman William “Butch” Ramirez, batid niya ang hangarin ng mga atletang Pinoy na matulungan ang kanilang pamilya kaya’t marapat lang na maibigay ang mga nakalaang insentibo sa kanila upang maibahagi nila ito sa kanilang pamilya sa pagpasok ng taong 2020.

Nais ng PSC chair na ma-enjoy din ng mga atleta ang discount sa mga pagkain, at mga serbisyo gaya sa transportation, hotels and restaurants, recreation centers, at pagbili ng medicines at sports equipment sa buong Pilipinas na nakapaloob din sa RA10699.

“Rest assured that we are doing what we can,coordinating with the concerned government agencies to effect the fullimplementation of the National Athletes and Coaches Benefits and Incentives Act,” ani Ramirez.

“We hope for the full implementation by the first quarter of 2020 so our athletes couldswiftly avail of the benefits,” dagdag niya.

Nauna nang inireklamo ni Philippine Olympic Commission (POC) head Nikko Huelgas ang hindi pagpapatupad sa nilalaman ng batas hinggil sa discount ng mga atleta at coaches na nanalo sa international competitions gaya ng nakaraang Southeast Asian Games.

Mas lalo itong pinagusapan nang mag-tweet si 30th SEAG double gold medalist Agatha Wong hinggil sa kawalan ng ngipin ng naturang batas.

Ayon kay Wong, bagama’t may umiiral na batas hinggil sa pagbibigay ng discount sa mga atleta sa ilalim ng RA 10699, hindi alam o sadyang hindi ipinatutupad ng mga establisimyento.
Iginiit ni Ramirez na nakikipagpulong na ang PSC sa Bureau of Internal Revenue sapul pa noong  Pebrero para sa implementasyon ng batas.

“We are now just awaiting the issuance of a Revenue Regulation by the BIR on the final implementation of RA 10699, Sec. 4 and 5,” paliwanag ni Ramirez.

Please follow and like us:
Read More