MAKUKULONG ng hanggang labing dalawang (12) taon at multang hanggang dalawang milyong piso ang magiging parusa sa mga nagkakalat ng fake news at mga maling impormasyon sa social media.

Ito ang nilalaman ng House Bill (HB) 11506 o Anti-Fake News and Disinformation Act na inihain ni Cagayan de Oro City Rep. Rufus Rodriguez na naglalayong patawan ng parusa ang mga netizen na nagkakalat ng maling balita at impormasyon.

Kinilala ng mambabatas na ang freedom of speech, information and of the press ay ginagarantiyahan sa Section 4, Article III ng 1987 Constitution dahil ito ang halagi aniya ng demokrasya sa bansa.

“However, as the Supreme Court held in Chavez v. Gonzales (2008), this right is not absolute.

Certain categories of speech – such as obscenity, defamation, incitement to violence, false advertising, and speech that poses a clear and present danger to public order or national security – are not entitled to constitutional protection,” paliwanag ni Rodriguez.

Ayon sa mambabatas, nitong mga nakaraang taon, parang apoy na kumalat ang mga fake news sa bansa sa pamamagitan ng social media at artificial intelligence na naging banta sa public trust, mga demokratikong institusyon at national stability.

Bagama’t umiiral aniya ang Revised Penal Code at Republic Act (RA) 10175 o Cybercrime Prevention Act, hindi ito sapat laban sa mga malisyosong disinformation campaign ng trolls.

“These falsehoods, often disseminated at scale through social media or synthetic content like deep lakes, have the power to incite confusion, manipulate public perception, and provoke civil disorder,” ayon sa mambabatas.

“ln doing so, the measure aims to protect public order and national security from destabilizing content designed to mislead, manipulate, or incite. lt is carefully crafted to withstand constitutional scrutiny by defining fake news nanowly and precisely, requiring proof of both malicious intent and actual or probable public harm,” paliwanag ni Rodriguez.

Kapag naging batas ang nasabing panukala, maaaring parusahan ng 6 hanggang 12 taong pagkabilanggo at pagmultahin ng P500,000 hanggang P2 milyon ang mapatutunayang guilty sa pagkakalat ng fake news at mga maling impormasyon.

(BERNARD TAGUINOD)