INANUNSYO ni Quezon City Police District (QCPD) Director, Police Brigadier General Danilo P. Macerin, ang pagkakaaresto sa 18 most wanted persons sa Lungsod Quezon, sa magkakahiwalay na operasyon sa iba’t ibang lugar.
Kinilala ni P/BGen. Macerin ang kabilang sa mga nadakip na si Ricky Lagario, 44-anyos, may kasong rape.
Si Lagario na nakalista bilang no. 1 most wanted person ng PS-9, ay nadakip sa bisa ng warrant of arrest na inisyu ni Hon. Tita Marilyn Payoyo-Villordon, presiding judge ng Branch 224, RTC, Quezon City, walang piyansang inirekomenda.
Arestado rin sa PS-9 operatives si Kenly Filarca, 30, may kasong paglabag sa BP 22 (bouncing checks).
Nadakip naman ng Novaliches Police Station (PS-4) ang suspek na si Mark Benedict Gabito, 28, dahil sa kasong paglabag sa RA 7610 o Special Protection of Children Against Child Abuse, Exploitation, and Discrimination Act.
Laglag din sa mga awtoridad ang mga suspek na sina Mark Anthony Aguilar, 23, dahil sa kasong qualified trespass to dwelling; Arnold Baring, 32, qualified trespass to dwelling; Nicolas Orozco, 45, sa kasong paglabag sa RA 9003 o Ecological Solid Waste Management Act; Kenneth Santos, 30, may kasong paglabag sa Anti-Violence Against Women and their Children Act; Girlie Chan, 38, sa kasong paglabag sa BP 22 (bouncing check); Dominic Oracion, 48, may kasong estafa; Shane Alegonero, 30, may kasong concubinage; at Eulogio Bautista Jr., 66-anyos, may kasong concubinage.
Arestado rin sina Mark Anthony Macaldo, 29, dahil sa kasong qualified rape; Nellie David, 57, may kasong estafa; Noli Verdida, 52, may kasong grave oral defamation; Milky-Cedric Flores, 24, may kasong paglabag sa RA 9003 o Ecological Solid Waste Management Act of 2000; Cristian Rullan, 27, may kasong acts of lasciviousness; Noel Ariate, 45, may kasong paglabag sa RA 9165 o Comprehensive Dangerous Drugs Act, at Kelvin Floyd Watson, may kasong bigamy. (JOEL O. AMONGO)
228 
