NATUTUYO ANG BUKID

0

PARA masiguro ang pagkakaroon ng food security sa ating bansa, kailangang mapaunlad pa ang ating irrigation system at tubigan sa lahat ng bukid hindi lamang ang mga nasa palayan.

Kung mapapansin nyo, limitado ang sistema ng ­ating irigasyon dahil ­tanging ang mga bukid lamang na tinataniman ng palay ang mayroon nito. Ito rin ang dahilan kaya dalawang beses lang kada taon nakapagtatanim at nag-aani ang karamihan sa mga magsasaka.

May mga magsasaka sa bansa tulad ng mga taga-Nueva Vizcaya ang tatlong beses na nagtatanim at nag-aani ng palay dahil nabiyayaan sila ng tubig mula sa kanilang mga kabundukan.

Pero sa mga kapatagan, dalawang beses kada taon lang sila nakakapag-ani dahil hindi buong taon mayroon tubig ang mga irrigation canal. Saka lang nagkakaroon ng tubig kapag panahon na ng taniman.

Marami akong nababasa na sa Vietnam at Thailand pala na mga bansang top producers ng palay ngayon sa mundo ay tatlong beses silang nag-aani kaya sobra-sobra ang kanilang produksyon ng bigas. Hindi lang para sa pangangailangan ng kanilang bansa kundi nagagawa pa nilang makapag-export.

Dito sa atin na ­tinaguriang agricultural country pa man din ay pumapangalawa lang tayo sa mundo na top rice ­exporters. Mantakin mo yan.

Kaya dapat galingan pa ng gobyerno ang pagpapaunlad sa ating irrigation system kung nais talaga natin na magkaroon ng sapat na supply ng bigas at magkaroon tayo ng food security.

Pero hindi lang ang mga palayan ang dapat tubigan kundi lahat ng bukid para magkaroon tayo ng sobrang produksyon sa iba’t ibang agricultural crops tulad ng mais, mani, gulay, prutas at kung ano-ano pang uri ng pagkain na magmumula sa mga bukid.

Sa ibang bansa lalo na ang United States (US) may irrigation ang kanilang mga taniman ng mais, gulay at halos lahat ng agricultural lands nila. Dito sa atin umaasa lang ang mga magsasaka sa biyaya ng langit…ang ulan.

Tulad ng palay, dalawang beses kada taon lang puwedeng magtanim ng mais dahil naghihintay muna sila ng ulan bago magtanim. Kaya kapag hindi dumating agad ang ulan na inaasahan nila ay tengga sila.

Tanging sa ulan lang din umaasa ang mga magsasaka para madiligan ang kanilang mga itinanim na mais kaya kapag humaba ang tag-init, halos wala na silang maani dahil hindi maganda ang tubo ng kanilang pananim at hindi na mamumunga ng maganda.

Kahit sa mga taniman ng gulay, tanging sa ulan lang umaasa dahil walang irrigation na puwede nilang kunan ng tubig para madiligan ang kanilang mga pananim kaya mahina ang produksyon natin sa pagkain.

Yung mga gulay na nabibili natin ay mula sa mga malalamig na lugar tulad ng Benguet na hindi kailangan ang maraming tubig pero nagdidilig pa rin ang mga magsasaka.

Pero sa mga kapatagan na mainit ang panahon, ay limitado ang produksyon ­dahil walang sapat na ­supply na tubig para sa kanilang pananim. Nagtitiyaga silang magdilig na lang ­tuwing umaga o kaya hapon.

Isinasabay na lang nila ang pagtatanim ng gulay sa mais kapag dumating ang ulan kaya mahaba-haba ang panahon na natetengga ang mga bukid na hindi sana mangyayari kung sapat ang irigasyon.

Kung magkakaroon ng sapat at maayos na ­irigasyon ang lahat ng bukid, dadami ang produksyon ng pagkain, ­gaganda ang buhay ng mga ­magsasaka kasama ang kanilang mga tauhan at higit sa lahat ­lalago ang ating ekonomiya.

Read More

COVID-19 SA INDIA NAKAAALARMA NA

0

KUNG mananatiling pasaway ang mga Pinoy ay hindi malayong matulad tayo sa bansang India.

Hindi biro ang daan-daang libong naitatala sa India na nahahawaan ng COVID-19.

Dalawa hanggang mahigit tatlong libo o pataas pa ang namamatay sa kanila dahil sa sakit na ito.

Nagkalat na ang mga patay sa kanilang bansa na mistulang mga basura na lamang kung sunugin ang mga bangkay.

Hindi na rin kayang ma-accommodate ng kanilang mga ospital ang mga may COVID-19 dahil sa dami ng mga nahahawaan araw-araw.

Mayroon na raw ­kasing bagong variant ng ­COVID-19 sa India kaya ito ang dahilan kaya biglang bumilis ang pagkalat ng virus sa kanila.

Bukod dito, marami ring mamamayan doon ang mga pasaway sinabayan pa ng bagong variant na mabilis na nakakahawa.

Kaya ayun biglang sumipa ang kaso ng ­COVID-19 sa India.

Nakakaawa sila ­ngayon dahil hindi na magkanda-ugaga ang mga tauhan ng kanilang gobyerno sa dami ng may COVID-19 sa kanilang mga kababayan.

Batay sa mga nakikitang video, kahit saang tahanan ay may makikita tayong nag-iiyakan dahil sa pagkamatay ng kanilang mga kamag-anak.

Kinakapos na rin ng mga oxygen ang bansang India na gagamitin ng kanilang mga pasyente na malala ang virus na kumapit sa kanila.

Ang India ay isa rin sa mga bansang gumagawa ng bakuna sa COVID-19, pero ganun pa man ­matinde ang tama sa kanila ng virus na ito.

Sa laki rin ng ­populasyon nila ay hindi na rin siguro makontrol ng gobyerno ang kanilang mga tao sa mga paglabas ng mga ito.

Kung magpapatuloy ang mga Pinoy na hindi susunod sa itinakdang minimum health standards na ipinatutupad ng ating pamahalaan ay baka matulad tayo sa India.

Nakikita kasi ng PUNA nitong nakaraan na ­pamimigay ng ayuda ng gobyerno ay hindi makontrol ang pagdagsa ng mga tao.

Hindi rin naipapatupad ng maayos ang pagsusuot ng face mask at face shield.

Maging ang mga isinasagawang community pantries tulad kamakailan nang dagsain ng maraming tao ang community pantry ng aktres na si Angel Locsin.

Nabalewala na ang physical distancing ay may isa pang senior citizen ang namatay dahil sa siksikan ng mga tao.

Ilan din sa mga dumalo sa community pantry ni Locsin ay nakitaan ng sintomas ng COVID-19 ng lokal na pamahalaan ng Lungsod Quezon.

May kaugalian pa man din ang mga Pinoy na kapag “walang leksyon ay hindi aaksyon”.

Ibig sabihin sige lang ng sige hangga’t kaya pa.

‘Wag po natin balewalain ang COVID-19, mas makabubuti pa na pagdudahan na may COVID-19 ang lahat ng ating mga nakakasalamuha, at para maging maingat tayo.

Ang hawaan na ngayon ay pami-pamilya base sa ating mga nakakausap na mga doktor.

Kaya kung hindi po tayo mag-iingat tayo na mismo ang magpapahamak sa ­ating mga kamag-anak.

Pag-uwi natin sa ­ating pamilya ang pasalubong natin sa kanila ay ­COVID-19.

Hindi po biro ang mga nangyayari ngayon sa bansang India dahil sa COVID-19.

‘Hindi pa po huli ang lahat, ngayon pa lang gawin na natin ang lahat para hindi na dumami pa ang COVID-19 sa Pilipinas.

Lahat na ay apektado, marami na ang namamatay sa mga Pinoy at marami na rin ang nagugutom sa atin ngayon.

Ngayon na tayo kumilos at mag-ingat.

Lord ingatan mo po kami, amen.

oOo

Para sa suhestiyon at reaksyon mag-email ­joel2amongo@yahoo.com at operarioj45@gmail.com o kaya magtext sa 0956-951-00-57.

Read More

Ivermectin hindi ilegal – Gadon DEFENSOR ‘DI PWEDENG KASUHAN

0

(BERNARD TAGUINOD)

HINDI puwedeng kasuhan si Anakalusugan party-list Rep. Mike Defensor sa pamimigay ng libreng Ivermectin sa mga residente ng Quezon City na proteksyon laban sa COVID-19.

Ito ang pahayag ni Atty. Larry Gadon sa isang interview sa social media account ni Defensor, matapos sabihin ng Department of Justice (DOJ) na posibleng nalabag ang Republic Act (RA) 9711 o Food and Drug Administration (FDA) Law of 2009.

“Hindi siya (Defensor) puwedeng pigilan dyan at hindi siya puwedeng kasuhan sapagkat unang-una, ang Ivermectin ay hindi nakasama sa listahan ng illegal at prohibited drugs ng PDEA (Philippine Drug Enforcement Agency) kaya walang kaso dyan,” ani Gadon.

“Pangalawa, pinayagan ng FDA ang compassionate use nito sa tatlong hospital. So meron tayong tinatawag na equal protection of the laws. Kung may karapatan ang mga pasyente na maraming pambayad sa hospital na gumamit nito ay may karapatan din ang mga tao na walang walang pera na ang inaasahan lamang ay murang gamot na nagpapagaling sa kanila. Kaya yan ang tinatawag na equal protection of the laws,” paliwanag pa ni Gadon.

Hindi umano makatarungan na pagkaitan ng karapatang mabuhay ang mahihirap na tinutulungan ng grupo ni Defensor para maproteksyunan laban sa nakamamatay na COVID-19.

Dahil dito, hindi puwede aniyang kasuhan sina Defensor at maging ang mga kasamahan nito na namigay ng Ivermectin sa Matandang Balara, Quezon City noong Huwebes.

Kasama ni Defensor sa nasabing inisyatiba si Deputy Speaker Rodante Marcoleta ng SAGIP party-list kung saan mula sa target na 35 katao lamang na bibigyan ng libreng Ivermectin ay umabot ito sa mahigit 200.

Sinuri muna ng mga doctor na sina Dr. Allan Landrito, Iggy Agbayani, Noel Castillo at Sham Quinto ang mga pumila bago binigyan ng nasabing gamot base sa kanilang pangangailangan.

Sinabi naman ni Marcoleta na: “anong gagawin ng FDA o kaya ang DOH kung sakaling mapatunayan na talagang nakakagaling ang Ivermectin. Halimbawa Cong Mike, after one month bumaba sa Quezon City ang infection sa COVID-19, saka namamatay at ang hospitalization rate bumaba, tatanggapin ba ng FDA na dahil sa intervention na ito ay nakatulong talaga ang Ivermectin?”

Depensa pa ni Marcoleta, kaya inilunsad ang nasabing inisyatiba dahil sa mga nakita umano nilang pagpapatotoo na ang nasabing gamot ay nakagagaling sa COVID-19.

Read More

PNP alerto sa aktibidad ng mga militante LABOR DAY PROTEST

0

NAKAALERTO ngayon ang buong puwersa ng PNP sa bantang paglulunsad ng sabay-sabay na kilos protesta ng iba’t ibang grupo sa buong bansa para patampukin ang Araw ng mga Manggagawa.

Nabatid na determinado ang mga militanteng grupo na magbalik sa lansangan para sa kauna-unahang malawakang in-person Labor Day protest simula nang umiral sa bansa ang pinakamahabang lockdown sa buong mundo simula noong March 2020.

Sa isang panayam, inihayag ni Kilusang Mayo Uno (KMU) chairperson Elmer Labog na inaasahan nila ang pakikiisa ng tinatayang limang libong tao para sumama sa kanilang demonstrasyon sa Liwasang Bonifacio sa Manila.

Hudyat din umano ito ng kanilang pagtalikod sa kanilang online Labor Day protests bilang pagtugon sa quarantine protocols.

“Esensyal ang makibaka. Kung gaano kahalaga ang pagkain, ang serbisyong medikal at iba pa, ganoon din ang pangangailangang lumaban para sa nararapat,” ani Labog kaugnay sa ikinakasa nilang kilos protesta na posibleng lumabag sa mass gatherings na ipinagbabawal ngayong may COVID-19 pandemic.

Igigiit ng libong manggagawa ang Php10,000 cash aid para sa mahihirap at walang trabaho sa gitna ng pandemiya, P100 daily wage subsidy para sa workers at P15,000 production subsidy para sa mga magsasaka at mass testing at ligtas at libreng vaccine bilang bahagi ng kanilang health demands.

Samantala, nagpahayag ng kanilang pakikiisa ang Kagawaran ng Tanggulang Pambansa sa sambayanang Filipino sa paggunita ng Labor Day ngayong unang araw ng Mayo.

“Sa araw na ito, kinikilala natin ang hindi matatawarang ambag ng ating mga manggagawa mula sa iba’t ibang sektor ng lipunan. Sila ang ating mga bayani na patuloy na naglilingkod upang matugunan ang mga pangangailangan ng ating bansa at maging sa iba’t ibang panig ng daigdig,” pahayag ni Defense Secretary Delfin Lorenzana.

Partikular na pinatungkulan ng kalihim ngayong Labor Day ang hanay ng mga magsasaka, manggagawa sa agrikultura, mamamalakaya, health workers lalo na ngayong may pandemiya, at mga kasapi ng labor sectors na nasa mga pagawaan.

“Ang pagsulong ng ating bansa ay hindi magiging ganap kung hindi rin angkop ang pag-unlad ng ating mga manggagawa. Kaya naman, marapat na bigyang halaga ang patuloy na pagpapabuti ng kanilang kalagayan, lalo’t higit sa gitna ng pandemya na ating kinakaharap dulot ng COVID-19,” ayon sa kalihim.

“Patuloy na magsusumikap ang ating Kagawaran ng Tanggulang Pambansa upang ating makamtan ang kapayapaan at seguridad na magbibigay-daan sa tunay na maunlad na kinabukasan para sa lahat,” dagdag pa ni Sec. Lorenzana. (JESSE KABEL)

Read More

50% NG PINOY WALANG ACCESS SA PCF

0

LIMAMPUNG porsiyento ng 110 milyong Filipino ay hindi nakararating sa primary care facility (PCF) sa loob ng 30 minuto, ayon sa Department of Health (DOH).

Kaya, hangad ng DOH na malutas ang nasabing suliranin, wika ni Undersecretary Lilibeth David sa Senate Health Committee.

Ayon kay David, ang kawalan ng access ng mga Filipino sa PCF sa loob ng 30 minuto ay kitang-kita sa mga rehiyong Bangsamoro Autonomous Region in Muslim Mindanao (BARMM), Bicol at Mimaropa (Occidental Mindoro, Oriental Mindoro, Marinduque, Romblon at Palawan).

Nabunyag ang suliranin sa PCF nang iharap ni David ang Philippine Health Facility Development Plan na nagsimula noong 2020 at matatapos sa 2040.

“Our goal is all of our population will have access to a primary care facility within 30 minutes,” banggit ni David sa Senado.

Sa kasalukuyan, mayroong 2,593 PCF sa bansa at 1,500 pribadong health facilities.

Idiniin ng opisyal na malaki ang papel na gagampanan ng programang Universal Health Care (UHC) at Philippine Health Insurance Corporation (Philhealth) upang mawakasan ang suliranin sa PCF.

Makatutulong din ang mga barangay health center sa mahigit 42,000 barangay sa bansa, dugtong ni David. (NELSON S. BADILLA)

Read More

DAILY ATTACK RATE SA PINAS MATAAS PA RIN

0

NANANATILING nasa high risk level ang daily attack rate ng COVID-19 sa bansa.

Ito’y dahil may 19 hanggang 55 bagong COVID-19 case kada 100,000 population.

Ang pahayag na ito ni Presidential spokesperson Harry Roque Roque ay kasunod ng pag-apruba ni Pangulong Rodrigo Roa Duterte sa extension ng implementayson ng MECQ protocol sa Metro Manila at kalapit na lalawigan na kasama sa tinatawag na NCR Plus hanggang Mayo 14.

Ipinagbabawal sa mga lugar nasa ilalim ng MECQ ang mga non-essential trips habang pinapayagan naman ang non-essential businesses at services na mag-operate ‘partially.’

“The number of national and NCR COVID-19 cases is decreasing, but the average daily attack rate remains above high risk threshold,” ayon kay Sec. Roque.

Sinabi pa rin niya na habang ang health care at COVID-19 ICU bed utilizations sa National Capital Region ay nag-improve, karamihan naman sa lungsod ay nananatili sa 70%, na masasabing high risk level.

Magkagayon pa man, tiniyak nito sa publiko na ang sitwasyon na ito ay asahan nang mapabubuti dahil may 176 additional ICU COVID-19 beds ang inaasahan na magiging operational sa kalaunan.

Samantala, binanggit din ni Sec. Roque ang pagbubukas ng modular hospital sa Batangas Medical Center, na mayroong 10 ICU COVID-19 beds at 43 hospital rooms. (CHRISTIAN DALE)

Read More

DINE-IN, SALON PWEDE NA ULIT

0

PINAPAYAGAN na ng pamahalaan ang dine-in operations sa mga lugar na nasa ilalim ng modified enhanced community quarantine (MECQ).

Pinapayagan na rin na mag-operate ang mga barbershop, beauty parlors, at iba pa sa 30% capacity sa MECQ.

Sa isang kalatas na ipinalabas ni Presidential spokesperson Harry Roque, inaprubahan ng Inter-Agency Task Force (IATF), nitong Huwebes, ang rekomendasyon na payagan ang mga restaurant, eateries, commissaries, at iba pang food preparation establishments na ibalik na ang kanilang indoor dine-in services sa mga lugar na nasa ilalim ng MECQ sa inisyal na 10% venue o seating capacity.

Ang mga food preparation establishment, sa kabilang banda ay maaaring mag-operate ng kanilang indoor dine-in services “beyond this limitation,” sa kondisyong kailangan nilang mag-comply sa Joint Memorandum Circular No. 21-01 (s. 2021) o Safety Seal Certification Program.

Inaprubahan din ng IATF ang pagbabalik ng operasyon ng beauty salons, beauty parlors, barbershops at nail spas na may inisyal na 30% venue o seating capacity sa MECQ areas.

“Moreover, these establishments shall only provide services that can accommodate the wearing of face masks at all times by clients and service providers,” ayon kay Sec. Roque.

Ang ganitong personal care establishments, ay maaring mag-operate ng lampas sa limitasyon, “provided that they comply with Joint Memorandum Circular No. 21-01 (s.2021) or the Safety Seal Certification Program.”

Ang personal care establishments at serbisyo na hindi nabanggit ay hindi papayagan mag-operate. (CHRISTIAN DALE)

Read More

Frontliners, health workers BIDA NGAYONG LABOR DAY

0

(BERNARD TAGUINOD)

KUNG mayroon mang dapat iluklok sa pedestal at bida ngayong Araw ng Paggawa, ito ay walang iba kundi ang mga frontliner lalo na ang medical health workers na itinataya ang kanilang kaligtasan sa gitna ng pandemya dulot ng COVID-19.

“This Labor day, we have the moral duty to honor our health workers,” ani Manila Rep. Manuel Luis Lopez kaya hiniling nito sa sambayanan na magbigay pugay sa health workers, kasama na ang ibang frontliners laban sa COVID-19 pandemic.

Nakita aniya ang kahalagahan ng mga ito nang magkaroon ng pandemya.

Mula Marso 2020 hanggang Marso 2021, umaabot sa 15,662 healthcare workers ang tinamaan ng COVID-19 kung saan 82 sa mga ito ay nasawi.

“The healthcare service has long been noted to be an honorable profession, but in the light of this pandemic we should also highlight and underscore its value and importance,” ayon pa sa mambabatas.

 

Bayaran lahat

Iginiit din ng mambabatas na dapat bayaran ang lahat ng health workers ng nagkaroon ng COVID-19 at huwag pahirapan ang mga ito sa pagkuha ng kompensasyon na nakapaloob sa Bayanihan 1 at 2.

Ginawa ng mambabatas ang pahayag matapos makarating sa kanyang tanggapan na mula sa 7,629 health workers na tinamaan ng COVID-19 at naghain ng claims sa Department of Health (DOH), 3,727 pa lamang ang nababayaran.

Umaabot naman umano sa 1,814 claims ang tinabla ng DOH dahil hindi umano kuwalipikado ang mga ito; 796 ang isinailalim pa sa evaluation, 99 ang para sa verification at 250 ang hindi kumpleto ang dokumento.

“Gusto ko po malaman bakit hindi nag-qualify yung halos dalawang libong health workers. Ito ba ay dahil hindi sila directly assigned sa COVID-19 ward or patients? Hindi po ba sapat na ikaw ay nagtatrabaho sa isang health facility sa panahon ng pandemya?,” tanong ni Lopez sa DOH.

Dapat aniyang suriin muli ang polisiya sa pagbibigay ng kompensasyon sa mga health worker na nagka-COVID-19 at pagaanin ang mga proseso upang hindi mahirapan ang mga ito.

Base sa batas, makatatanggap ng hazard pay at risk allowance ang mga medical frontliner at karagdang kompensasyon kapag nagkaroon ang mga ito ng COVID-19.

“Like our military and police forces, our healthcare workers have paid the price for fighting the COVID-19 virus – an unseen and most unforgiving foe – in blood, sweat, and tears. Now, we add our healthcare workers in the same sentence as our other traditional frontliners,” ayon pa sa mambabatas.

 

Special session

Kaugnay nito, bilang pagkilala sa kagitingan ng mga manggagawang Filipino, dapat magpatawag umano ng special session si Pangulong Rodrigo Duterte para aprubahan ang mga panukalang batas na makatutulong sa nasabing sektor.

Ginawa ni House deputy minority leader Carlos Zarate ang panawagan kay Duterte, isang araw bago ang paggunita sa Labor day ngayong araw.

“Our workers are hungry and in dire need and the government should provide aid for them,” ani Zarate kaya dapat maaprubahan aniya ang kanilang panukala na bigyan ng P10,000 ayuda ang pamilyang Filipino.

Bukod dito, nais din ni Zarate na matalakay agad ang kanilang panukalang dagdagan ng P100 ang minimum wage dahil bumaba umano ang halaga ng sahod ng mga ordinaryong manggagawa dahil sa pagtaas ng presyo ng mga bilihin.

Ayon sa mambabatas, trilyong piso na ang inutang ng gobyerno ni Duterte para labanan ang COVID-19 at tulungan ang mga apektadong manggagawa at mga negosyante kaya dapat mapagtibay aniya ang dalawang nabanggit na batas sa lalong madaling panahon.

This will not only help the workers, but could contribute as a multiplier effect on the economy and help small business every time the workers spend this amount for their daily needs. A hungry people and those in dire need could exacerbate the pandemic because people are forced to go out more often to look for income or food,” ayon pa sa mambabatas.

Sa Mayo 17 na ang balik ng mga mambabatas sa kanilang sesyon subalit kailangan na kailangan aniya ng mga manggagawa ang ayuda ng gobyerno kaya dapat maipasa agad ang mga nabanggit na panukala.

Dapat umanong gayahin ni Duterte ang Vietnam na kahit 2,865 COVID cases lang ang naitala sa nasabing bansa at wala pang tatlong dosena ang namatay ay binuhusan nila ng tulong ang kanilang manggagawa.

Sa katunayan umano, US$ 77 o katumbas ng P3,850 ang ibinibigay na ayuda ng Vietnam sa kanilang mga manggagawa buwan-buwan kasama na ang mga part-time worker.

“Actually, Pres. Duterte has the capacity to give subsidy to workers, small business, the farmers and other marginalized sectors considering the trillions of pesos he has borrowed using COVID as justification,’ banggit pa ng solon.

Read More

PAGPASOK SA PINAS NG ILANG DAYUHAN APRUBADO

0

PINAPAYAGAN na ng Inter-Agency Task Force (IATF) ang pagpasok sa Pilipinas ng foreign nationals o dayuhan na pinahintulutan sa ilalim ng nakalipas na IATF resolutions.

Sinabi ni Presidential spokesperson Harry Roque, sa ilalim ng IATF Resolution No. 113, ang mga foreign national na ito ay “subject to conditions,” gaya ng kailangan na mayroon silang “valid at existing visa” sa oras ng kanilang pagpasok maliban na lamang sa mga kuwalipikado sa ilalim ng Balikbayan Program, sa ilalim ng Republic Act No. 6768, o the Act Instituting the Balikbayan Program.

“These foreign nationals must likewise have a pre-booked accommodation for at least seven (7) nights in an accredited quarantine hotel or facility and they must subject to COVID-19 testing at the quarantine hotel/facility on the sixth (6th) day from the date of arrival. In addition, they are subject to the maximum capacity of inbound passengers at the port and date of entry,” ayon kay Sec. Roque.

Ang travel restrictions, sa kabilang dako ay magpapatuloy sa mga taong manggagaling sa India o doon sa mga may travel history sa India, “as imposed by IATF Resolution No. 112.”

Upang matiyak ang maayos na implementasyon, inatasan ang Bureau of Immigration na bumalangkas ng kinakailangang alituntunin. (CHRISTIAN DALE)

 

Read More