TAGUMPAY ang kampanya ng Pilipinas sa 2022 Pan IBJJF Jiu-Jitsu Championships makaraang magbulsa ng medalya noong Biyernes sa Silver Spurs Arena sa Kissimmee, Florida.
Nag-bronze medal finish si Dani Palanca ng Atos Jiu-Jitsu sa Women’s Adult Blue Belt Rooster division makaraang talunin ang fourth seed na si Monica Pedro. Gayunpaman, yumukod si Palanca sa top-seed na si Beyth-Shan Yodhhewawhe sa sumunod na round.
Isa pang Atos Jiu-Jitsu member na si Meggie Ochoa ay nag-silver sa Women’s Adult Brown Belt Rooster division. Una siyang nanaig kay sixth seed Nora Levy-Forsythe, ngunit kinapos ang 2019 Southeast Asian Games gold medalist laban kay Giulia Gregorut sa final round.
Si Annie Ramirez ng Clube de Jiu-Jitsu Filipinas, na sumabak sa Women’s Adult Brown Belt Feather division ay nakakuha ng bye.
Subalit ang 2019 SEA Games gold medalist na si Ramirez ay sumuko kay Elizabeth Liera ng Atos Jiu-Jitsu at nagkasya sa bronze medal gaya ng kasamang si Livia Dos Santos.
Samantala, si Ramirez ang nag-iisang kakatawan sa Pilipinas sa 2022 World Games na nakatakda sa Hulyo 7 hanggang 17 sa Birmingham, Alabama. (ANN ENCARNACION)
102
