SANG-AYON si Magsasaka party-list Representative Argel Cabatbat sa pagkilalang ibinigay ni

Pangulong Rodrigo Duterte sa kanyang ikalimang State of the Nation Address sa kahalagahan ng

pagprotekta sa sektor ng agrikultura upang pangalagaan ang kapakanan ng bansa.
Ayon kay Rep. Cabatbat, suportado nito sampu ng mga magsasaka ang panawagan ng Pangulo sa

pagsasabatas ng trust fund para sa magniniyog, rural agricultural and fisheries development

financing systems at ang seguridad at soberanya sa pagkain sa pamamagitan ng plant, plant, plant

program. Ang coconut farmers’ trust fund ay ang sagot sa kawalan ng hustisya at pagnanakaw ng

pondo mula sa mga magkokopra at inaasahang tanging paraan upang tuldukan ang isa sa

pinakamatandang problema ng agrikultura sa bansa.
“Sa simula pa lamang ng ating termino, malinaw na ang ating panawagan sa gobyerno: ang

pagsasaka at pangingisda ang pundasyon ng seguridad ng pagkain sa bansa at ang pagbuhos ng

pondo at ayuda sa maliliit at naghihirap na magsasaka at mangingisda ay ang pangunahing

solusyon upang tugunan ang deka-dekadang inhustisyang nangyari sa ating hanay,” saad ni

Cabatbat.
Kaisa rin ang mambabatas sa kampanya ng administasyon na buwagin ang sistemang oligarkiya at

kasama na roon ang industriya ng pagsasaka. (CESAR BARQUILLA)