NAKATAKDANG mag-deploy ng mga sundalo at paramilitary ang Northern Luzon Command sa dine-develop na 9,450 hectares New Clark City para matiyak na walang magiging sagabal dito at mapanatili ang katahimikan sa lugar sa susunod mga taon.
Ito ay makaraang hilingin ng Bases Conversion and Development Authority (BCDA) ang tulong ng Philippine Army sa pangangalaga ng itinatayong bagong metropolis sa gitnang Luzon.
Dahilan kaya muling pumasok ang BCDA sa isang memorandum of agreement sa panig ng militar upang masustinahan ang nauna nilang ugnayan hinggil sa peace and order.
“Recognizing the need to ensure the timely delivery of government projects, the BCDA requested the Philippine Army to deploy the Citizens Armed Forces Geographical Unit Active Auxiliary Company II (CAA-II) at the 9,450-hectare development, located within the Clark Special Economic Zone, ayon sa inilabas na pahayag ng BCDA hinggil sa nilagdaang Memorandum of Agreement sa pagitan ng BCDA at Army 7th Infantry Division.
Para maisakatuparan ito ay lumagda kamakailan sina BCDA Officer-in-Charge President and CEO Atty. Aristotle B. Batuhan at Major Gen. Andrew D. Costelo, commanding general ng 7th Infantry (Kaugnay) Division, na nasa ilalim ng AFP-NOLCOM, sa isang memorandum of agreement (MOA) sa New Clark City Aquatics Center para sa deployment ng paramilitary troops upang palakasin ang security force sa New Clark City.
Subalit bago maging epektibo ang nasabing MOA na paiiralin sa loob ng tatlong tao ay kailangan muna aprubahan ito ni Secretary of National Defense Delfin Lorenzana. (JESSE KABEL)
185 
